ऐकलं. बीडमधील ओबीसी महाएल्गार मेळाव्यानंतर ओबीसी आणि मराठा संघर्ष आणखीच तीव्र होण्याची शक्यता आहे. कारण मराठा आणि ओबीसीत फूट पाडण्याचं काम एक प्रवृत्ती करतेय, असं म्हणत धनंजय मुंडेंनी मनोज जरांगेंना लक्ष्य केलंय.

धनंजय मुंडेंची टीका जिव्हारी लागल्यानं मनोज जरांगेंनी तातडीने पत्रकार परिषद घेत जोरदार प्रत्युत्तर दिलंय. यावेळी जरांगेंनी करुणा मुंडेंचं नाव घेत धनंजय मुंडेंना घेरलंय. बीडमध्ये मराठ्यांना ताकद दाखवावी लागेल, असं म्हणत माझ्या नादी लागू नका, असा इशाराही जरांगेंनी धनंजय मुंडेंना दिलाय.

धनंजय मुंडेंच्या टीकेनंतर जरांगे विरुद्ध धनंजय मुंडे हा संघर्ष आणखी टोकाला जाण्याची शक्यता आहे. मात्र या संघर्षाचे चटके बीड जिल्ह्यालाच बसण्याची शक्यता आहे.. त्यामुळे बीड जिल्ह्याला जातीयवादाची प्रयोगशाळा बनण्यापासून वाचवण्यासाठी सर्वपक्षीय नेत्यांनी प्रयत्न करायला हवेत.