याप्रकरणी धनंजय देशमुख यांनी पोलीस ठाण्यात गेल्यानंतर प्रतिक्रिया दिली. यावेळी बोलताना त्यांनी सांगितले की, अशी कुठलीही घटना घडली नाही, असे आम्ही पोलिसांना सांगत होतो, गुन्हा दाखल करण्यापूर्वी शहानिशा करा, असं सांगत होतो मात्र पोलिसांनी माझ्याविरुद्ध 48 गुन्हे दाखल असलेल्या व्यक्तीच्या म्हणण्यावरून थेट 307 चा गुन्हा दाखल केला.मात्र माझ्यासोबत देखील, अशीच घटना घडली होती. धनंजय मुंडे यांनी मला गाडी आडवी लावली आणि हवेत दोन फायर केले, असा आरोप धनंजय देशमुख यांनी केली. या फिर्यादीनुसार गुन्हा दाखल करावा असं धनंजय देशमुख म्हणालेत.

यानंतर आयपीएस दर्जाचे अधिकारी पोलीस ठाण्यात दाखल झाले आणि धनंजय देशमुख यांच्याविरोधात दाखल झालेल्या गुन्ह्यासंदर्भात तब्बल सात तास चौकशी केली आणि तपास केला. सीसीटीव्ही आणि काही लोकांचे जबाब नोंदवल्यानंतर अशी घटना घडली नसल्याचे स्पष्ट झाले. यानंतर धनंजय देशमुख यांच्याविरुद्धचा गुन्हा खोटा असल्याचे पोलीस प्रशासनाने स्पष्ट केले. पुढे धनंजय मुंडे यांच्याविरुद्ध अद्याप कुठल्याही प्रकारचा गुन्हा दाखल झालेला नाही.

पोलिसांनी दिलेल्या माहितीनुसार दोन्ही तक्रारी खोट्या असल्याचं स्पष्ट झालंय. मात्र, धनंजय देशमुख यांनी केलेली तक्रार हास्यास्पद आहे. या भांडणात आमचे नेते धनंजय मुंडे यांची बदनामी झाली आणि याचा खुलासा २४ तासात पोलीस विभागाने द्यावा. याकरिता मुंडेंच्या समर्थकांनी पोलीस अधीक्षक कार्यालय गाठून मागण्याचे निवेदन वरिष्ठ अधिकाऱ्यांना सादर केले. याबाबतची तक्रार धनंजय देशमुख यांनी दिली असेल तर त्याचा खुलासा पोलीस विभागाने करावा असे म्हणणे मुंडे समर्थक भागवत तावरे यांनी मांडले आहे.