मुंबई : राज्यामध्ये कोरोना रुग्णसंख्या सध्या कमी होताना दिसत येत असली, तरी कोरोनाचे संकट हे काही संपले नाही. याची काळजी आपण बाळगली पाहिजे. कारण राज्यामध्ये दसरा, दिवाळीनंतर तिसऱ्या लाटेची शक्यता वर्तवली जात आहे, असा इशारा राज्याचे आरोग्यमंत्री राजेश टोपे Rajesh Tope यांनी दिला आहे.

राज्यामध्ये घटस्थापनेच्या मुहूर्तावर कालपासून सर्व मंदिरे सुरू करण्यात आली आहे. यामध्ये आरोग्यमंत्री राजेश टोपे यांनी मुंबईतील महालक्ष्मी मंदिरात जाऊन अंबेमातेचं दर्शन घेतले आहे. यानंतर पत्रकार परिषदेला संबोधित करताना एका नव्या मोहिमेची त्यांनी घोषणा केली आहे. राज्यामध्ये ८ ऑक्टोबर ते १४ ऑक्टोबरपर्यंत 'मिशन कवच कुंडल' Mission Kavach Kundal ही मोहिम राबवण्यात येणार आहे.

हे देखील पहा-

यामध्ये १५ ऑक्टोबरपर्यंत वेगाने कोरोना प्रतिबंधक लसीकरण करण्यात येणार आहे. राज्यामध्ये कुठेही लस कमी पडणार नाही अशी काळजी या काळात घेतली जाणार आहे, असा विश्वास टोपे यांनी यावेळी व्यक्त केले आहे. राज्यात आजपासून रोज १५ लाख लसीकरण करण्यात येणार आहे आणि याकरिता आपल्याकडे सध्या १ कोटी लसी उपलब्ध आहेत, अशी माहिती राजेश टोपे यांनी दिली आहे. दसरा Dussehra आणि दिवाळीनंतर Diwali तिसऱ्या लाटेची शक्यता नाकारता येणार नाही.

या पार्श्वभूमीवर आपण विशेष लसीकरण मोहीम राबवणार आहोत. जेणेकरुन आरोग्यावर गंभीर परिणाम होणार नाही. कारण लसीकरण हा एकमेव मोठा पर्याय आपल्याकडे राहणार आहे, असे राजेश टोपे म्हणाले आहेत. मुस्लिम बांधव आता बऱ्यापैकी लसीकरण करुन घेत आहेत. मात्र, मालेगावसारख्या ठिकाणी अद्याप लसीकरण पाहिजे तसे झाले नाही. त्याठिकाणी धर्मगुरू, मौलवी आणि सामाजिक संस्थांचे सहकार्य घेऊन लसीकरण केले जाणार असल्याचे टोपे यांनी यावेळी सांगितले आहे.

Edited By- Digambar Jadhav