मस्साजोगचे माजी सरपंच संतोष देशमुख अपहरण आणि खंडणी प्रकरणी अटकेत असलेला आरोपी वाल्मिक कराडच्या अडचणीत वाढ होण्याची शक्यता आहे. गेल्या काही दिवसांपासून वाल्मिक कराडला व्हिआयपी ट्रिटमेंट मिळत असल्याचा आरोप करण्यात येत होता. याच पार्श्वभूमीवर देशमुख कुटुंबाच्या सदस्यांनी कारागृह प्रशासनाकडे माहिती अधिकाराखाली सीसीटीव्ही फुटेज मागविले आहेत. तसेच माहितीचा अधिकार देखील ते आज जिल्हा कारागृहाध्यक्ष यांच्याकडे देणार असल्याची माहिती समोर आली आहे.

जिल्हा कारागृहामध्ये वाल्मिक कराडला व्हिआयपी ट्रीटमेंट मिळत असल्याचा आरोप सातत्याने होत आहे. वाल्मिक कराडसह इतर आरोपींना देखील सुविधा पुरविल्या जात आहेत. त्याचबरोबर नियमबाह्य सुविधा देखील पुरवल्याचा आरोप देशमुख कुटुंबीयांनी आणि लोकप्रतिनिधींनी केला आहे.

या सर्व प्रकाराविषयी आता कारागृह प्रशासनाकडे माहिती अधिकारात सीसीटीव्ही फुटेज मागितले जाणार असल्याचं देशमुख कुटुंबाच्या सदस्यांनी सांगितलं. व्हिआयपी ट्रिटमेंटऐवजी देशमुख कुटुंबाच्या सदस्यांनी तेथील कर्मचाऱ्यांवर देखील आरोप केले आहेत. ड्युटी नसतानाही काही कर्माचारी जिल्हा कारागृहामध्ये येतात आणि हस्तक्षेप करतात. असा देखील आरोप एका पत्रामध्ये संतोष देशमुख यांचे नातेवाईक दादा खिंडकर यांनी केला आहे.

बीड जिल्हा कारागृहात ज्या दिवशी आरोपींची रवानगी करण्यात आली. त्या दिवसापासूनचा सीसीटीव्ही फुटेज मिळवण्यासाठी, माहितीचा अधिकार जिल्हा कारागृहाधिक्षकांकडे दादा खिंडकर देणार असल्याची माहिती मिळाली आहे.