नवी दिल्ली : काँग्रेस नेत्या सोनिया गांधी यांना रुग्णालयाता दाखल करण्यात आलं आहे. दिल्लीतील गंगाराम हॉस्पिटलमध्ये त्यांना रुटीन चेकअपसाठी दाखल करण्यात आलं आहे. सोनिया गांधी यांची तब्येत मंगळवारी काहीशी बिघडली होती.

सोनिया गांधी यांची तब्येत बिघडल्यानंतर राहुल गांधी आणि प्रियंका गांधी हे मंगळवारी रात्री राजधानी दिल्लीत पोहोचेले होते. त्यानंतर राहुल गांधी आज सकाळी ६ वाजता बागपत जिल्ह्यातून भारत जोडो यात्रेत सहभागी झाले होते. मात्र, प्रियंका गांधी आई सोबत थांबल्याची माहिती आहे. (Latest Marathi News)

सूत्रांच्या माहितीनुसार, मंगळवारपासून सोनिया गांधींची तब्येत बिघडली होती. त्यामुळेच राहुल गांधी आणि प्रियंका गांधी उत्तर प्रदेशात दाखल झालेल्या भारत जोडो यात्रेत सात किलोमीटर मागे मंगळवारी संध्याकाळी दिल्लीला परतले.

काँग्रेसच्या माजी अध्यक्षा सोनिया गांधी यांनाही कोविडशी संबंधित समस्यांमुळे गेल्या वर्षी जून महिन्यात दिल्लीतील गंगाराम रुग्णालयात दाखल करण्यात आले होते. काही दिवसांनी त्यांना रुग्णालयातून डिस्चार्ज मिळाला होता.