200 रुपयांच्या नवीन नोटा आता चलनात येणार आहेत.आणि त्यावर छत्रपती शिवाजी महाराजांचा फोटो छापला जाणार असल्याचा दावा करण्यात आलाय.खरंच आता दोनशे रुपयांच्या नोटेवर शिवरायांचा फोटो छापला जाणार आहे का? याची आम्ही पडताळणी केली. त्यावेळी काय सत्य समोर आलं पाहुयात.

आता 200 रुपयांच्या नोटेवर छत्रपती शिवाजी महाराजांचा फोटो छापणार असल्याचा दावा सोशल मीडियात केला जातोय.महाराजांचा फोटो असलेली ही नोट प्रचंड व्हायरल केली जातेय. बघा, या नोटेवर महाराजांचा फोटो दिसतोय.त्यामुळे ही नोट आता चलनात येणार आहे की कुणी खोडसाळपणा केलाय? शिवरायांचा फोटो असलेली नोट असेल तर ही आनंदाचीच बातमी आहे.मात्र, या मेसेजमध्ये काय दावा केलाय पाहुयात.

व्हायरल मेसेज

आता 200 रुपयांच्या नोटेवर महात्मा गांधींऐवजी शिवाजी महाराजांचा फोटो असणार आहे. भारत सरकारने एक निर्णय घेतलाय. हा मेसेज प्रचंड व्हायरल होत असून, यासोबत फोटोही आहे...याची सत्यता जाणून घेण्यासाठी आमच्या टीमने आरबीआयच्या साईटवरून अधिक माहिती मिळवली.मात्र, तिथे या नोटेबाबत माहिती मिळाली नाही.त्यामुळे आम्हीच या फोटोची सत्यता पडताळून पाहिली.त्यावेळी काय सत्य समोर आलं पाहुयात.

व्हायरल सत्य/ साम इन्व्हिस्टिगेशन

सोशल मीडियावर व्हायरल केलेला फोटो खोटा

200 च्या नोटेवर महात्मा गांधींचाच फोटो असेल

नोटबंदीनंतर 200 ची नोट चलनात आली

देवदेवतांचे फोटो छापा अशी मागणी केजरीवालांनी केलेली

केजरीवालांच्या मागणीनंतर अनेक फोटो व्हायरल झाले.

सध्या औरंगजेबाची कबर, शिवरायांबाबत वादग्रस्त विधान यावरून महाराष्ट्रात वाद पेटलाय. त्यामुळे आता महाराजांचा फोटो असलेली नोट पुन्हा व्हायरल करण्यात आलीय. मात्र, 200 च्या नोटेवर महाराजांचा फोटो छापला जाणार असल्याचा दावा असत्य ठरलाय. तुम्ही अशा मेसेजवर विश्वास ठेवू नका. दिशाभूल करण्यासाठी असे मेसेज व्हायरल केले जातायत.