छत्रपती संभाजीनगर : छत्रपती संभाजीनगर जिल्ह्यातील सिल्लोड तालुक्यात झालेल्या पावसामुळे नव वधू-वराची चांगलीच धावपळ झाली. लग्न लागल्यानंतर पाऊस आला आणि त्यानंतर नवरा नवरीला तिथून खांद्यावर घेऊन जावं लागलं. छत्रपती संभाजीनगर जिल्ह्यातील सिल्लोड तालुक्यात आज जोरदार वादळी वाऱ्यासह गारपिटीचा पाऊस झाला. या दरम्यान सिल्लोड तालुक्यातील पेंडगाव येथे एका विवाह समारंभात ऐन वेळी सुरू झालेल्या पावसामुळे लग्नातील वधू-वरासह वऱ्हाडी मंडळीची चांगलीच धावपळ झाली. शेतात लग्न असल्याने पावसामुळे त्याठिकाणी सर्व चिखल झाला आणि त्यातून वधू-वरांना वराडी मंडळींनी चक्क उचलून नेत शेतातून नेलं. या घटनेचा व्हिडिओ सोशल मीडियावर चांगलाच व्हायरल होत आहे.

दरम्यान, महाराष्ट्रासाठी पुढील ४८ तास महत्त्वाचे आहेत, कारण कडाक्याच्या उन्हाळ्यात हवामान विभागाकडून अवकाळी पावसाचा इशारा देण्यात आला आहे. महाराष्ट्रात पुढील दोन दिवस मेघगर्जनासह अवकाळी पावसाची शक्यता वर्तवण्यात आली आहे. राज्यातील अनेक जिल्ह्यांमध्ये (Maharashtra weather alert) ६ आणि ७ मे रोजी जोरदार पावसाचा अंदाज पुणे वेधशाळेने वर्तवला आहे. पुढील ४८ तास राज्यात सर्वत्र वादळी-वाऱ्यासह गारपीटीचा (unseasonal rain Maharashtra) इशारा दिलाय. देशात जम्मू कश्मीर ते तामिळनाडूपर्यंत उद्यापासून पाऊस कोसळणार आहे.

त्याचदरम्यान, नाशिकच्या अशोकनगर भागात जोराचा वादळी वारा सुरु झालाय. या वादळी वाऱ्याने पत्रा जोरात हवेत उडाला. हवेत उडालेला पत्रा दुचाकीवर बसलेल्या एका तरुणाच्या गळ्यात जाऊन घुसला असता. मात्र, तो वेळीच खाली वाकल्याने तरुण थोडक्यात बचावला. तर जिल्हा आणि सत्र न्यायालयावरील पत्रे देखील वादळी वाऱ्याने उडाले आहेत. सिडको परिसरात काही ठिकाणी झाडं उन्मळून पडल्याच्या देखील घटना समोर आल्या आहेत.

दरम्यान, मुंबई, ठाणे आणि पालघर, पुण्यासह राज्यातील (IMD rain forecast) अनेक शहरासाठी पुढील ४८ तासांत यलो अलर्ट जारी केला आहे. आज मुंबईत Mumbai rain update मेघगर्जना, विजांचा कडकडाट आणि ताशी ३०-४० किमी वेगाने वारे वाहण्यासह हलक्या ते मध्यम पावसाची शक्यता (thunderstorm warning, hailstorm forecast) वर्तवण्यात आली आहे. यामुळे मुंबईकरांना उकाड्यापासून काहीसा दिलासा मिळण्याची अपेक्षा आहे. कोकण आणि पश्चिम महाराष्ट्रातही ढगाळ वातावरण आणि हलक्या पावसाचा अंदाज आहे.