नवनीत तापडिया

Chhatrapati Sambhajinagar News: गुन्हेगाराची माहिती पोलिसांना देत असल्याच्या संशयावरून एका चाळीस वर्षे महिलेस मारहाण करून अत्याचार केल्याची घटना वाळूज परिसरात उघडकीस आली आहे. याप्रकरणी आठ जणांविरुद्ध वाळूज पोलीस ठाण्यात गुन्हा दाखल करण्यात आला आहे. पीडित महिला कुटुंबासह वाळूज परिसरात वास्तव्यास होती. (Latest Marathi News)

मात्र तिची मोठ्या मुलाला दारूचे व्यसन असल्याने तो सतत आईला शिवीगाळ करत असल्याने ती आठवडाभरापूर्वी घर सोडून शेतात राहण्यास गेली. पीडित महिला शुक्रवारी रात्री घरातच असताना त्यांच्या ओळखीचे संदीप पवार, शिवा गवळी, पोपट पवार, धनेश पवार, तेजस काळे, जिजाबाई पवार, अश्विनी पवार व गंधुका पवार हे पीडित महिलेच्या घरात शिरले यानंतर त्यांनी महिलेची वाद घालण्यास सुरुवात केली. (Crime News)

यानंतर महिलेने मी पोलिसांची (Police) खबरी नाही असे सांगत त्यांना समजावण्याचा प्रयत्न केला मात्र संतप्त झालेल्या पोपट पवार व त्याच्या सहकाऱ्यांनी पीडित महिलेला खाली पाडून मारहाण करण्यास सुरुवात केली.

तसेच जर आवाज केला तर कापून टाकील अशी धमकी दिली. या मारहाणी नंतर शिवा गवळी याने पीडित महिलेची छेड काढली तर एकाने या महिलेवर पाशवी अत्याचार केला. याप्रकरणी पीडित महिलेने वाळूज पोलीस ठाणे गाठून आपबीती सांगितल्यानंतर आठ जणांविरुद्ध गुन्हा दाखल करण्यात आला आहे.