छत्रपती संभाजीनगरमधून एक धक्कादायक बातमी समोर येत आहे. व्यावसायिक आणि माजी नगरसेवक राजू तनवाणी यांच्या मुलानं आत्महत्या केली आहे. तरूणानं फ्लॅटमध्ये गळफास घेऊन आत्महत्या केली आहे. पोलिसांना याची माहिती मिळताच त्यांनी घटनास्थळी धाव घेतली. पोलिसांना तपासात सुसाईड नोट सापडली आहे. सध्या पोलिसांकडून अधिक तपास सुरू आहे.

दिपेश तनवाणी (वय वर्ष २६) असे मृत तरूणाचे नाव आहे. मृत तरूण व्यावसायिक आणि माजी नगरसेवक राजू तनवाणी यांचा मुलगा असल्याची माहिती आहे. तनवाणी छत्रपती संभाजीनगर शहरातील रहिवासी आहेत. घटनेच्या दिवशी दिपेश फ्लॅटमध्ये होता. त्यानं फ्लॅटमध्येच गळफास घेऊन आयुष्य संपवलं. त्यानं आत्महत्या करण्यापूर्वी एक सुसाईड नोट लिहिली होती.

दिपेश यानं आत्महत्या केली असल्याची माहिती मिळताच पोलिसांनी घटनास्थळी धाव घेतली. तसेच मृतदेह ताब्यात घेतला. पोलिसांनी मृतदेह ताब्यात घेत शवविच्छेदनासाठी रूग्णालयात पाठवले. दरम्यान, पोलिसांनी दिपेश तनवाणी याच्या खोलीची तपासणी केली. तपासात पोलिसांना सुसाईड नोट सापडली आहे.

सुसाईड नोटमध्ये त्यानं आत्महत्या करण्यामागचं कारण स्पष्ट केलं नाही. दिपेशनं सुसाईड नोटमध्ये 'तुमच्या अपेक्षा पूर्ण करू शकलो नाही', असं लिहिलं आहे. दरम्यान, दिपेशनं आत्महत्या का केली? आत्महत्या करण्यामागचं नेमकं कारण काय? याचा तपास पोलिसांकडून सुरू आहे.