Chandrapur Accident News: चंद्रपूर जिल्ह्यात भीषण अपघात झाल्याची बातमी समोर आली आहे. नागपूरवरून नागभीड येथे येणाऱ्या कारने ट्रॅव्हल्स बसला समोरासमोर धडक दिल्याची माहिती मिळत आहे. यात चार लोकांचा मृत्यू झाल्याचं सांगण्यात येत आहे.

या कारमध्ये एकूण सहा जण प्रवास करत होते. या अपघातात एक मुलगी व महिला गंभीर जखमी झालेत. जखमींना उपचारासाठी नागपूरला हलविले आहे. तर मृत दोन महिला व दोन पुरुष अजूनही कार मध्ये अडकून आहेत.  घटनास्थळी नागभीड पोलीस ठाण्याची चमू दाखल झाली असून मृतकांना कारमधून बाहेर काढण्याचे काम सुरु आहे

हा इतका भीषण अपघातात नेमका झाला तरी कसा, याबाबत अद्याप कोणतीही माहिती समोर आलेली नाही. याबाबत पोलीस अधिक माहिती घेत आहे. (Latest Marathi News)

रस्ता ओलांडताना रिक्षाची धडक, वृद्धेचा मृत्यू

आजच आणखी एक अपघात घडला आहे. उल्हासनगरमध्ये पहाटे रस्ता ओलांडत असताना भरधाव वेगाने आलेल्‍या रिक्षाने धडक (Accident) दिल्‍याने वयोवृद्ध आजीबाईचा मृत्यू (Death) झाला. ताराबाई पावलास काळूसे असे मयत आजीबाईच नाव आहे.

अंबरनाथमधील (Ambarnath) फॉरेस्ट नाका परिसरात ही घटना पहाटे ५ वाजेच्या सुमारास घडली आहे. या घटनेनंतर परिसरात हळहळ व्यक्त केली जात आहे. दरम्यान आजी ताराबाई काळूसे या रस्ता ओलांडताना अचानक भरधाव येणाऱ्या रिक्षाने त्यांना धडक मारली. यात ताराबाई गंभीर जखमी झाल्‍या होत्‍या. अपघातानंतर ताराबाईला उपचारासाठी उल्हासनगरच्या शासकीय रुग्णालयात दाखल करण्यात आले होते. मात्र उपचारादरम्यान त्‍यांचा मृत्यू झाला.

फाॅरेस्ट नाका परिसरातील ही घटना असून संपूर्ण अपघाताची घटना सीसीटीव्हीत कैद झाली आहे. दरम्यान नातेवाईकांनी या घटनेची तक्रार अंबरनाथ पोलीस ठाण्यात केली असून पोलिसांनी रिक्षाचालका विरोधात गुन्हा दाखल केला आहे.