सांगली : सांगली महापालिकेत ‘कार्यक्रम’ करणाऱ्या नेत्यांना तुम्ही दोन छोटे शॉक दिले आहेत. एकदा एक ‘मोठा शॉक’द्या, तुमचा सोन्याचा मुकुट घालून सत्कार करतो अशा शब्दांत भारतीय जनता पक्षाचे प्रदेशाध्यक्ष चंद्रकांत पाटील यांनी महापालिकेतील भाजप पदाधिकाऱ्यांच्या सत्कारप्रसंगी नवे 'टार्गेट' दिले. chandrakant-patil-sangli-political-news-mahapalika-sml80

महापालिकेत स्थायी समिती, महिला व बालकल्याण आणि समाजकल्याण समिती सभापती निवडीत भाजपने राष्ट्रवादीचे प्रदेशाध्यक्ष जयंत पाटलांना यांच्या संभाव्य कार्यक्रमाला दाद न देता आपले वर्चस्व ठेवले. याबद्दल जयंत पाटील यांचे नाव न घेता चंद्रकांत पाटील यांनी भाजपच्या पदाधिकाऱ्यांचे कौतुक करीत नवे 'टार्गेट' दिले. यावेळी नगरसेवक, पदाधिकारी, कोअर कमिटी सदस्य उपस्थित होते. यावेळी त्यांनी महापौर- उपमहापौर निवडणुकीत भाजप सोडून गेलेल्यांना परतण्याचे आवाहनही केले.

महापालिका आणि इस्लामपूर पालिकेत सत्तांतर घडवून भाजपने राष्ट्रवादीचे प्रदेशाध्यक्ष जयंत पाटील यांना धक्के दिले आहेत. नुकतेच महापालिकेच्या सभापती निवडीतही राष्ट्रवादीचे मनसुबे धुळीस मिळाले आहेत. हा धागा पकडत चंद्रकांत पाटील Chandrakant Patil, BJP यांनी येणाऱ्या निवडणुकांमध्ये जयंत पाटील यांना पराभूत करून धक्का देण्याचे 'टार्गेट' कार्यकर्त्यांना दिले आहे.

edited by : siddharth latkar