संजय राठोड

Yavatmal Accident News: यवतमाळ येथून अपघाताची एक मोठी बातमी समोर आली आहे. दोन वाहनांची जोरदार धडक होउन भीषण अपघात झालाय. या दुर्घटनेत तिघांचा जागीच मृत्यू झालाय. तर एक जण गंभीर जखमी असल्याची माहिती समोर आली आहे. (Latest Accident News)

मिळालेल्या अधिक माहितीनुसार, चंद्रपूर येथून मारेगाव मार्ग यवतमाळच्या पांढरकवडा इथे वृत्तपत्राचे पार्सल घेऊन येणाऱ्या कारला अज्ञात वाहनाची धडक लागल्याने हा अपघात झाला आहे. या धडकेत तीन जण ठार तर एक जण गंभीर जखमी आहे. घटनेची माहिती मिळताच घटनास्थळी राष्ट्रीय महामार्ग करंजी पोलीस अधिकारी दाखल झाले आहेत.

वाहन चालक किशोर बोरकर (राहणार वरोरा) असे एका मृतकाचे नाव आहे. अन्य दोन मृत व्यक्तींची ओळख अद्याप पटलेली नाही. मुसळधार पावसात अपघात झाल्याने राष्ट्रीय महामार्गावरील पोलीस भर पावसात बचाव कार्य करत आहेत.

अपघातामळे ट्राफिक जाम

यवतमाळच्या (Yavatmal) करंजीजवळ झालेल्या अपघातामुळे मोठी वाहतूक कोंडी झाली आहे. अपघातामुळे बचावकार्य सुरू असल्याने मागून येणाऱ्या वाहनांच्या लांबच लांब रांगा येथे लागल्या आहेत. वाहतूक महामार्ग करंजी पोलीस घटनास्थळी दाखल झाले असून जखमी व्यक्तीला तातडीने जवळच्या रुग्णालयात हालवण्यात आले आहे. तसेच वाहतूक पुन्हा सुरळीत करण्याचे प्रयत्न सुरू आहेत.