संजय जाधव, साम टीव्ही

राज्यात गुन्हेगारीच्या प्रकरणांमध्ये वाढ होत असल्याचं चित्र आहे. अशातच बुलढाण्यातून एक धक्कादायक बातमी समोर येत आहे. दोन महिन्यांपूर्वी लोणार तालुक्यातील वढव येथे अपहरण करून अशोक सोनूने यांची हत्या करण्यात आली होती. लोणार पोलीस स्टेशनला जात असल्याचं सांगत ११ मे रोजी ते घरातून निघाले. मात्र, पुन्हा घरात परतले नाही. दरम्यान, ११ जून रोजी सोनूने यांचं मुंडकं आणि हात नसलेला कुजलेला मृतदेह सापडला. या घटनेला महिना उलटला तरी पोलिसांकडून योग्यी ती कारवाई केली जात नाही. यामुळे त्यांच्या मुलाने संताप व्यक्त करत खळबळजनक आरोप केले आहेत.

नेमकं घडलं काय?

लोणार तालुक्यातील वढव या गावचे अशोक सोनूने (वय वर्ष ६०) हे ११ मे रोजी पोलीस ठाण्यात जात असल्याचं सांगत घराबाहेर पडले. नंतर घरात परतलेच नाही. त्यानंतर त्यांच्या पत्नीने अशोक हरवल्याची तक्रार दाखल केली. पोलिसांनी तपासाला सुरूवात केली. काही दिवसानंतर सोनूने यांचा कुजलेल्या अवस्थेतील मृतदेह सापडला. या प्रकरणी पोलिसांनी गुन्हा दाखल करून तपासाला सुरूवात केली. शेतीच्या वादातून ही हत्या झाली असून, आरोपी अशोक यांच्या भावकीतीलच असल्याचं निष्पन्न झालं आहे.

मात्र, या प्रकरणात पोलिसांकडून योग्य तपास केला जात नसून, पोलिसांची भूमिका संशयास्पद असल्याचा आरोप नेते दीपक केदार यांनी केली होती. मात्र, दीपक केदार यांनी केलेल्या आरोपांचं खंडण पोलिसांनी केलं आहे. पोलिसांनी या प्रकरणी तातडीने तपास करीत २ आरोपींना अटक केली आहे.सध्या एक आरोपी फरार असल्याची माहिती आहे. तर, मृत व्यक्ती कधीही सरपंच राहिलेले नाहीत, किंवा माजी सरपंचही नव्हते, अशी माहिती समोर आली आहे.

सोनूने यांचा प्रायव्हेट पार्टही कापला

शेतीच्या जुन्या वादातून हा हत्याकांड घडला असावा, असा अंदाज आहे. मृत अशोक यांच्या जीवाला धोका असल्याबाबत लोणार पोलिसांना माहिती देण्यात आली होती. त्यानंतर हत्याकांड घडला. अद्याप पोलिसांना आरोपींना पकडण्यात यश आले नसल्यानं सोनूने यांच्या कुटुबियांनी पोलिसांच्या शोधकाऱ्यावर प्रश्नचिन्ह उपस्थित केला आहे. आरोपी मोकाट असल्याकारणाने मृत कुटुंबाच्या जीवाला धोका आहे.

आरोपीने अगदी क्रृर पद्धतीने अशोक सोनूने यांची हत्या केली होती. आरोपीने सोनूने यांचं मुंडके कापलं, नंतर दोन्ही हात कापले तसेच प्रायव्हेट पार्टही कापला, असा गंभीर आरोप मृत अशोक यांच्या मुलाने केला.