बुलडाणा: अविवाहित तरुणाने स्वत:चेच सरण रचून त्यात उडी घेत आत्महत्या केल्याचा धक्कादायक प्रकार बुलडाणा येथील खामगावात घडला आहे. खामगाव तालुक्यातील पळशी खुर्द येथे ही घटना घडली (Buldana man commit suicide by burn himself in khamgaon).

महेंद्र नामदेव बेलसरे असं आत्महत्या (Suicide) केलेल्या 30 वर्षीय तरुणाचं नाव आहे. गावालगत असलेल्या आपल्या शेतामध्ये महेंद्र बेलसरे या तरुणाने रात्री साडे सात वाजताच्या सुमारास सरण रचले. त्यानंतर त्याने सरणाला आग लावली आणि स्वत:च्या अंगावर पेट्रोल ओतून थेट सरणामध्ये उडी घेतली. यामध्ये त्याचा होरपळून मृत्यू झाला.

पोलिसांनी घटनास्थळी जाऊन पंचनामा करत मृतदेह उत्तरीय तपासणीसाठी खामगाव शासकीय रुग्णालयात पाठवला आहे. पुढील तपास खामगाव ग्रामीण पोलीस करत आहेत.

महेंद्रने इतक्या धक्कादायक पद्धतीने आपली जीवन यात्रा का संपवली याचं कारण अद्याप अस्पष्ट आहे. मात्र, या तरुणाचे लग्न जुळत नसल्याने त्याने निराशेपोटी आत्महत्या केली, अशी चर्चा गावात आहे.

Edited By - Nupur Uppal