ठाकरेसेनेचे आमदार भास्कर जाधव यांच्या व्हॉट्सअॅप स्टेट्सनंतर पुन्हा एकदा ब्राह्मण विरुद्ध मराठा वादाची ठिणगी पडलीय. जाधवांनी याआधी खोतकीसंदर्भात केलेल्या विधानामुळे ब्राह्मण समाज आणि जाधव यांच्यामध्ये संघर्ष सुरू आहे. अशातच पुन्हा एकदा जाधवांनी डिवचणारं स्टेट्स ठेवल्यानं ब्राह्मण समाजही आक्रमक झालाय.

जाधवांच्या कोणत्या विधानांमुळे ब्राह्मण विरुद्ध मराठा या वादाची ठिणगी पडलीय ? पाहूयात. जाधवांच्या विधानानंतर ब्राह्मण समाजानं घेतलेली भूमिका आणि त्यानंतर ब्राह्मण विरुद्ध मराठा असा पेटलेला वाद आता दिवसेंदिवस चिघळत चाललाय. त्यामुळे गुहागरमध्ये भास्कर जाधव आणि ब्राह्मण समाजात रंगलेला हा कलगीतुरा नेमका कधी थांबणार? कोकणातील मराठी विरुद्ध ब्राह्मण या वादामागे स्थानिक स्वराज्य संस्थांच्या निवडणुका कारणीभूत आहेत का? असाही प्रश्न निर्माण झालाय.