सरपंच संतोष देशमुखांची क्रुरपणे केलेल्या हत्येचा पट उलगडणारा पुरावा पोलिसांच्या हाती लागलाय.. अपहरण ते हत्या या घटनेसाठी वापरलेली काळ्या रंगाच्या स्कॉर्पिओचा फॉरेन्सिक अहवाल समोर आलाय... यामध्ये देशमुखांच्या हत्येसह कराड गँगच्या काळ्या कारनाम्यांचे एक दोन नव्हे तर तब्बल 19 पुरावे समोर आलेत...या पुराव्यातून काय समोर आलंय? पाहूयात...

काळ्या स्कॉर्पिओत 19 पुरावे

काळ्या रंगाची स्कॉर्पिओ

गाडी क्रमांक - MH 44 Z 9333

सरपंच संतोष देशमुख हत्या प्रकरणात स्कॉर्पिओतून सर्वाधिक 19 पुरावे मिळाले

स्कॉर्पिओच्या डाव्या बाजूच्या दरवाज्यावरील काचेवर 2 ठसे

जुळून आलेले फिंगरप्रिंटचे ठसे आरोपी सुधीर ज्ञानोबा सांगळेचे

स्कॉर्पिओ गाडी आरोपी गॅंगचा म्होरक्या सुदर्शन घुलेची

9 डिसेंबर 2024 ला सरपंच देशमुखांचं अपहरण करुन अत्यंत निघृणपणे हत्या करण्यात आली.. या हत्येप्रकरणी सीआयडीने 15 हजार पानांचं आरोपपत्र दाखल केलंय.. त्यात या राक्षसी कृत्याचे फोटो आणि व्हिडीओ जोडण्यात आलेत.. तर याच फोटोत काळ्या रंगाची स्कॉर्पिओ प्रकरणाचा पट उलगडण्यासाठी महत्वाची ठरली...आरोपींचे 3 मोबाईल फोनसह, आरसी बूक, घुलेचे एटीएम कार्ड याच स्कॉर्पिओमध्ये आढळून आलेत.. त्यामुळे या काळ्या स्कॉर्पिओमधून फक्त संतोष देशमुखांचीच हत्या केली की आणखीही काळे कारनामे केले? त्याचा सखोल तपास होण्याची गरज आहे.. तर या पुराव्यामुळे वाल्मिक कराडभोवतीचा फास आवळला जाणार का? याकडे लक्ष लागलंय..