मराठा आरक्षणाचा मुद्दा काल म्हणजेच २५ ऑक्टोबरपासून पुन्हा पेटला आहे. त्यात मराठा आंदोलकांनी आज (२६ ऑक्टोबर) वकील गुणरत्न सदावर्ते यांच्या वाहनांची तोडफोड केली. सदावर्ते यांच्याकडून होत असलेल्या विरोधामुळे ही तोडफोड केल्याची माहिती आहे. या प्रकरणी तीन जणांना पोलिसांनी अटक केली आहे. तर एकाचा शोध सुरु आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
या तोडफोडीच्या घटनेदरम्यान भाजप आमदार नितेश राणे यांनी खबळजनक आरोप केला आहे. गुणरत्न सदावर्ते यांची गाडी फोडणारे काल 'मातोश्री'वर होते. हा नियोजित हल्ला होता, असा दावा नितेश राणे यांनी केला आहे.
या हल्ल्याचा सखोल तपास व्हायला हवा, अशी मागणी देखील नितेश राणे यांनी केली आहे. मराठा आंदोलक मनोज जरांगे पाटील यांना बदनाम करण्याचा कट मातोश्रीवर शिजतोस का? असा सवाल उपस्थित करत याची चौकशी करण्याची मागणी नितेश राणे यांनी केली आहे.
गुणरत्न सदावर्ते हे रहात असलेल्या परळ येथील क्रिस्टल टॉवरखाली आज सकाळी काही मराठा आंदोलक जमले होते. अचानक त्यांनी एक मराठा लाख मराठा अशी घोषणाबाजी सुरु केली. त्यानंतर काठ्यांनी रस्त्यावर उभ्या असलेल्या गुणरत्न सदावर्ते यांच्या वाहनांना त्यांनी लक्ष्य केलं. यावेळी मराठा आंदोलकांनी वाहनांवर हल्ला करत काचा फोडल्या. उपस्थित पोलिसांनी तातडीने हस्तक्षेप करत तीन कार्यकर्त्यांना ताब्यात घेतलं. एक जण अजूनही फरार आहे. (Latest Marathi News)
गुणरत्न सदावर्ते यांच्या गाड्यांची तोडफोड केल्याप्रकरणी तीन जणांना अटक केली आहे. तिघेही छत्रपती संभाजीनगरचे असल्याची माहिती मिळत आहे. मंगेश साबळे, वसंत बनसोडे, राजू सावे अशी या तिघांना नावे आहेत. पोलिसांना या प्रकरणी गुन्हा दाखल करण्याची प्रक्रिया सुरू केली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.