BJP Nominates Tuljapur Drugs Case : धाराशिवमधील गाजलेले तुळजापूर ड्रग्ज प्रकरणातील आरोपी विनोद गंगणे यांना भाजपाकडून थेट नगराध्यक्षपदाची उमेदवारी देण्यात आली आहे. तुळजापूर ड्रग्ज प्रकरणामुळे राज्यात खळबळ उडाली होती. याच प्रकऱणाती गंगणे यांना आधी भाजपकडून पक्षात घेण्यात आले, त्यानंतर आता थेट नगराध्यक्षपदाचे तिकिट देण्यात आले. भाजपच्या या निर्णायानंतर धाराशिवमध्ये टीकेची झोड उडाली आहे. ठाकरेंचे आमदार ओमराजे निंबळाकर यांनी भाजप आमदार राणा राणाजगजितसिंह पाटील यांच्यावर टीकेची झोड उडवली आहे.

राज्यभर गाजलेल्या तुळजापूर ड्रग्ज प्रकरणातील आरोपीलाच भाजपाने नगराध्यक्ष पदाची उमेदवारी दिल्याने धझाराशिवच्या राजकीय वर्तुळात खळबळ उडालीआहे. तुळजापुरातील ड्रग्ज प्रकरण उजेडात आणायला विनोद गंगणे यांचीच मदत झाल्याचा दावा भाजपकडून केला जातोय. विनोद गंगणे हा ड्रग्ज प्रकरणातील आरोपी असून तो सध्या जामीनावर बाहेर आहे, ड्रग्ज प्रकरणात काही दिवस तुरुंगात रवाणगी झालेली.

काही दिवसापूर्वीच ड्रग्ज प्रकरणातील जामीनावर बाहेर असणारा आरोपी माजी नगराध्यक्ष संतोष परमेश्वरला भाजपमध्ये प्रवेश दिल्याने आमदार राणाजगजितसिंह पाटील यांच्यावर टिका झाली होती. भाजप ड्रग्ज प्रकरणातील आरोपींना राजाश्रय देत असल्याचे सुप्रिया सुळेंनीही मुख्यमंत्र्यांना पत्र लिहिलं होतं. विनोद गंगणे याला भाजपाने नगराध्यक्षपदाची उमेदवारी दिल्याने निवडणूकीत तुळजापूर ड्रग्जचा मुद्दा पुन्हा एखदा चर्चेत आला आहे.