Buldhana News : बुलढाण्यातील (Buldhana) जगप्रसिद्ध अशा लोणार सरोवराच्या पाणी पातळीत तब्बल चौदा वर्षांनी मोठी वाढ झाली आहे. त्यामुळे लोणार सरोवरातील (Lonar Lake) पाच पुरातन मंदिरे पाण्यात गेली आहे. पाणी पातळीत अचानक वाढ झाल्याने लोणार सरोवर अभ्यासकांना आता चिंता सतावू लागली आहे.

लोणार हे जगातील प्रसिद्ध सरोवर आहे.  बेसॉल्ट खडकात असलेला जगातील एकमेव व उल्कापिंडा मुळे तयार झालेला खाऱ्या पाण्याचा जगातील दुसरा सर्वात मोठा सरोवर आहे. जगप्रसिद्ध लोणार सरोवराच्या पाण्याच्या पातळीत 14 वर्षानंतर मोठी वाढ झालेली आहे. पाण्याच्या पातळीत वाढ झाल्यामुळे लोणार सरोवर परिसरात असलेल्या पाच मंदिरांना पाण्याने वेढा दिलेला आहे. (Latest Maharashtra News)

यावर्षी बुलढाणा जिल्ह्यात मोठ्या प्रमाणात पावसाळा झालेला आहे. त्यामुळे लोणार सरोवरात असलेले झरे हे प्रवाहित झालेले आहेत. जवळपास चौदा वर्षानंतर अनेक झरे हे डिसेंम्बर महिन्यात अजूनही वाहत आहेत. त्यामुळे लोणार सरोवराच्या पाण्याच्या पातळीत मोठ्या प्रमाणात वाढ झाली आहे. मात्र पाण्याच्या पातळीत वाढ झाल्याने सरोवरातील पाच पुरातन मंदिरे पाण्यात गेली आहे. आधीच या मंदिराची अवस्था जीर्ण झाली आहे आणि पुरातत्व विभाग याकडे लक्ष देत नसल्याचं येथील अभ्यासकांच म्हणणं आहे.