मिलिंद देसाई

Belgaum Latest News: महाराष्ट्र-कर्नाटक यांच्यातल्या सीमावाद आणि बेळगाव जिल्ह्याचा वाद अजूनही कायम आहे. भाषिक प्रांत रचना करताना झालेल्या अन्यायाविरोधात हजारो मराठी भाषिक मंगळवारी रस्तावर उतरले होते. यावेळी संयुक्त महाराष्ट्राच्या घोषणांनी परिसर दणाणून गेला होता. महाराष्ट्र एकीकरण समितीने मराठी भाषिकांवर झालेल्या अन्यायाविरोधात हजारोंच्या संख्येने सहभागी होण्याचे आवाहन केले होते. (Samyukta Maharashtra Movement News)

या आवाहनाला प्रतिसाद देत लहानग्यांपासून ते वयावृद्ध सर्वचजण मोठया संख्येने सहभागी झाले होते. तसेच बेळगाव (Belgaon) कारवार निपाणी बिदर भालकीसह संयुक्त महाराष्ट्र झालाच पाहिजे, रहेंगे तो महाराष्ट्र मैं नहीं तो जेल मैं, जय भवानी जय शिवाजी आदी घोषणांनी परिसर दणाणून सोडण्यात आला. 66 वर्षानंतरही महाराष्ट्रात जाण्याची इच्छा तीव्र असल्याचे या फेरीतून दिसून येत आले आहे. (Belgaon Border Dispute)

सकाळी नऊ वाजता या फेरीला सुरुवात झाली. यावेळी काळ्या दिनाच्या फेरीत काळे टी शर्ट, काळे कपडे घालून लोकं सहभागी झाले आहेत. त्यामुळे समितीची ताकद पुन्हा एकदा दिसून आली आहे. यावेळी शहराच्या विविध भागातून फेरी काढण्यात येणार आहे, त्यानंतर मराठा मंदीर येथे भव्य सभेचे आयोजन करण्यात आले आहे.

Edited By - Akshay Baisane