बीड : बीडमध्ये एका कुख्यात गुंडाचा अमानुषपणे मारहाण करतानाचा व्हिडिओ समोर आला आहे. गुंड सतीश भोसले हा एका व्यक्तीला अमानुषपणे बेदम मारहाण करत असल्याचं या व्हिडिओमध्ये बघायला मिळत आहे. त्यामुळे बीडमधल्या वाढत्या गुन्हेगारी आणि गुंडप्रवृत्तीवर पुन्हा एकदा प्रश्न उपस्थित होत आहे.

आठ दिवसांपुर्वी बाबी ता. शिरूर येथील ढाकणे नावाच्या व्यक्तीला या सतीश भोसले नावाच्या गुंडाने मारहाण केली असल्याचं समोर आलं आहे. संतोष देशमुख यांच्या हत्येचे फोटो पाहून हैवान कसा असतो ते प्रत्येकाने सुदर्शन घुले आणि त्याच्या टोळीच्या रुपाने पाहिलं. यानंतर जालना जिल्ह्यातल्या एका तरुणाला मारहाण करतानाचे व्हिडीओ आता समोर आले आहेत. धक्कादायक बाब म्हणजे, हा सतीश भोसले या आमदार सुरेश धस यांचा निकटवर्तीय असल्याचं सांगण्यात येत आहे.

सतीश भोसले नावाचा गुंड एका गरीब व्यक्तीला अमानुष मारहाण करतोय. हा गुंड एकदा पोलीस स्टेशनमध्ये पोलिसांसोबतच दारु पित असताना पकडल्यामुळे एका सरपंचाने याला मारलं होतं. या सतिश भोसलेने १५ दिवसांपूर्वीच बाबी गावातल्या एका व्यक्तीला अशी मारहाण केलीय की त्याचे सगळे दात पडलेत. भोसले हा पारधी समाजाचा असून वेगवेगळ्या ठिकाणी गुन्हे घडवून आणण्यासाठी त्याचा राजकीय वापर केला जातो. त्याला कोणत्याही पोलीस स्टेशनकडून अटक होत नाही. गुन्हा करायचा आणि आपली दहशत किती आहे हे दाखवण्यासाठी त्याचे व्हिडीओ सुद्धा तयार करायचं हे त्याचं