बीड : शिवसंग्रामचे अध्यक्ष विनायक मेटे जसे समाजकारणात सक्रिय होते. अगदी तसेच ते नाते सांभाळण्याचा देखील प्रयत्न (Beed News) करत होते. मेटे साहेबांनी मला वडिलांची कमतरता जाणवू दिली नाही. त्यांनी मला वडिलांचे प्रेम दिले; अशी भावना मेटे यांच्‍या भावजाईंनी व्‍यक्‍त केली. (Beed News Vinayak Mete Accident)

शिवसंग्राम संघटनेचे अध्यक्ष विनायक मेटे (Vinayak Mete) यांच्या गाडीला मुंबई-पुणे एक्सप्रेसवर हा अपघात (Accident) होवून त्‍यात मेटे यांचा मृत्‍यू झाला. त्‍यांच्‍या मृत्‍यूनंतर त्‍यांच्‍या भावजाईनी आपल्‍या भावना व्‍यक्‍त केल्‍या. त्‍या म्‍हणाल्‍या, की मेटे साहेबांनी वडिलांचे प्रेम दिले; त्यामुळे मला सासर आहे असं कधीच वाटलेच नाही.

मामांनी सर्व हट्ट पुर्ण केले

आमदार विनायक मेटे यांच्‍या भाचीने भावना व्‍यक्‍त करताना सांगितले, की माझे ते मामा होते त्यांनी माझ्यासह माझ्या भाऊ आणि बहिणीला वडीलांसारखे सांभाळले आहे. अगदी मुलगी जशी वडिलांकडे हट्ट करते तसाच हट्ट मी देखील करत होते व तो हट्ट ते पुर्ण करत असल्‍याची प्रतिक्रीया त्‍यांनी व्‍यक्‍त केली.