बीड : दिवाळीचे दिवस असल्याने प्रवास करण्याची संख्या वाढली आहे. यामुळे बसस्थानकावर प्रचंड गर्दी होत आहे. या गर्दीचा फायदा घेत चोरटे (Crime News) हात साफ करत आहेत. असाच प्रकार (Beed) बीड जिल्ह्यातील अंबाजोगाई बसस्थानकावर घडली असून यात महिलेच्या पर्समधून तब्बल सव्वालाख रुपयांचे दागिने चोरले आहेत. (Latest Marathi News)

दिवसेंदिवस चोरीच्या घटना वाढत आहेत. भुरट्या चोरी करणारे गर्दीत फिरताना दिसत असून सध्या दिवाळी असल्याने मार्केट. बसस्थानक, रेल्वे स्टेशनवर गर्दी आहे. या गर्दीत प्रवेश करत हात साफ केला आहे. ऐन दिवाळीत बीड जिल्ह्यातील अनेक बसस्थानकावर चोरट्यांची दहशत पाहायला मिळत आहे. दिवाळीच्या गर्दीचा फायदा घेत गर्दीत घुसून चोरटे हात साफ करत आहेत. बसमध्ये चढणाऱ्या प्रवाशाजवळील रोख रक्कम किंवा दागिने चोरीला जात आहेत. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

बॅगेतून चोरले दागिने 

अशीच घटना बीडच्या अंबाजोगाई शहरातील बस स्थानकामध्ये समोर आली. लातूर जिल्ह्यातील मावलगाव येथील शीतल रविशंकर भदाडे या अंबाजोगाई बसस्थानकामध्ये आल्या होत्या. यादरम्यान अज्ञात चोरट्याने त्यांच्या बॅगमधील १ लाख २० हजार रुपयांचे सोन्याचे दागिने चोरून पोबारा केला आहे. हे लक्षात आल्यानंतर त्यांनी पोलिस ठाण्यात तक्रार दिली असून याप्रकरणी अंबाजोगाई शहर पोलीस ठाण्यात गुन्हा दाखल करण्यात आला.