बीड : चुकीचे व नियमबाह्य काम करण्यास नकार दिल्याच्या रागातून कृषी सहाय्यकावर जीवघेणा हल्ला केल्याची धक्कादायक घटना (Beed) बीड शहरात उघडकिस आली. सरपंच पती व अन्‍य व्‍यक्‍तींनी मारहाण केली आहे. (Breaking Marathi News)

बीड तालुक्‍यातील शुभम प्रकाश हेंद्रे असे गंभीर जखमी झालेल्या कृषी सहाय्यकाचे नाव आहे. ते कुर्ला गावात नोकरीला आहेत. गावातील सरपंच पती आणि इतर चार ते पाच व्यक्तींनी बेदम मारहाण (Crime News) केल्याचा तक्रारीत म्हटले आहे. जीवघेणा हल्ला करणाऱ्यावर कठोर कारवाई करा; अशी मागणी कृषी अधिकाऱ्यांनी केली.

लेखणी बंद आंदोलन

बीड तालुक्यातील कुर्ला गावातील कृषी सहाय्यक शुभम प्रकाश हेंद्रे यांचेवर चुकीचे व नियमबाह्य काम करण्यास नकार दिल्याचे रागातून जीवघेणा हल्ला व बेदम मारहाण करण्यात आली आहे. त्यात श्री. हेंद्रे गंभीर जखमी झाले आहेत. त्यामुळे सर्व कृषी अधिकाऱ्यांनी कारवाई करावी, ही मागणी घेऊन लेखणी बंद आंदोलन पुकारले आहे.