Torrent Power Karjat Project: विरोधकांचे फेक नरेटिव्ह; कर्जतचा प्रकल्पातील वृक्षतोडीवर मुख्यमंत्री फडणवीसांची पहिली प्रतिक्रिया

रायगड जिल्ह्यातील कर्जत तालुक्यात प्रस्तावित असलेल्या टोरेंट पॉवर कंपनीसाठी होणाऱ्या वृक्षतोडीवरून राजकारण तापलंय. या प्रकल्पासाठी मोठ्या प्रमाणावर वृक्षतोड होत असल्याचा आरोप करत विरोधक आणि पर्यावरणप्रेमींनी सरकारवर निशाणा साधला होता. या वादावर आता महाराष्ट्राचे मुख्यमंत्री देवेंद्र फडणवीस यांनी थेट प्रतिक्रिया दिलीय. मुख्यमंत्र्यांनी विरोधकांचा आरोप खोडून काढलाय."कर्जत पंप स्टोरेज प्रकल्प हा संपूर्णपणे पर्यावरणाला पूरक असाच प्रकल्प विरोधकांकडून केवळ फेक नरेटिव्ह पसरवण्याचे काम सुरूय, असा जोरदार हल्लाबोल मुख्यमंत्र्यांनी केलाय. हा गुजरातचा प्रकल्प नसून महाराष्ट्राचा आहे. यातील गुंतवणूक, रोजगार आणि निर्माण होणारी वीज सर्वकाही महाराष्ट्रालाच मिळणार आहे. या प्रकल्पातून तब्बल ३०००० कोटी रुपयांची गुंतवणूक येणार असून महाराष्ट्राला१२००० मेगावॉट स्वच्छ वीज उपलब्ध होणार आहे.