पश्चिम महाराष्ट्रातील एका बँकेत मोठा आर्थिक घोटाळा समोर आलाय़..रिझर्व बँकेने निर्बंध आणलेल्या आणि ठेवीदारांचे पैसे अडकलेल्या सातारा जिल्ह्यातील फलटण मधल्या यशवंत को-ऑपरेटिव्ह बँकेचे शासकीय लेखापरीक्षण पूर्ण झालं.. आणि बँकेच्या आर्थिक घोटाळ्याची माहिती समोर आलीय.. ज्यामुळे साताऱ्यात एकच खळबळ माजलीय...

यशवंत बँकेत तब्बल 112 कोटी 10 लाख 57 हजार 881 रुपयांचा गैरव्यवहार झाल्याचे उघडकीस आले. याप्रकरणी बँकेचे तत्कालीन चेअरमन शेखर चरेगावकर यांच्यासह 50 जणांवर कराड शहर पोलीस ठाण्यात गुन्हा दाखल करण्यात आला आहे. दरम्यान 195 बोगस कर्ज खाते असल्याचे फिर्यादीत म्हटले आहे.

अनेक सहकारी संस्थांना मार्गदर्शक राहिलेले आणि सहकार परिषदेचे माजी अध्यक्ष असलेले शेखर चरेगावकर याच्यावर या प्रकरणात गुन्हा दाखल झाल्यानं अनेकांच्या भुवय्या उंचावलेत... तसचं फलटण आणि कराडमध्ये बँकेच्या शाखा असल्यानं ठेवीदारांमध्ये सध्या चिंतेचे वातावरण आहे.पोलीस या प्रकरणाची सखोल चौकशी करत असून, यात आणखी काही मोठी नावं समोर येण्याची शक्यता वर्तवली जातेय..