नागपूर : व्हॅलेंटाईन डे हा प्रेमिकांचा दिवस आहे. विशेषत: तरुणाई प्रेम व्यक्त करण्यासाठी त्याची आतुरतेने वाट पाहत असते. मात्र, याच 'व्हॅलेंटाईन डे'च्या विरोधात बजरंग दलाने आक्रमक भूमिका घेतली आहे. नागपुरात बजरंग दलाने 'व्हॅलेंटाईन डे'च्या विरोधात बाईक रॅली काढून या दिवसाला विरोध दर्शवला आहे. (Latest Marathi News)

नागपुरात (Nagpur) बजरंग दलाने 'व्हॅलेंटाईन डे'चा विरोध करण्यासाठी बाईक रॅली काढली आहे. नागपूरच्या छावणी चौकातून बाईक रॅली काढून 'व्हॅलेंटाईन डे'ला विरोध दर्शवला आहे. बाईक रॅलीत बजरंग दलाच्या शेकडो तरुणांनी सहभाग नोंदवला आहे. बजरंग दलाच्या तरुणांनी हातात भगवे झेंडे घेत जय श्रीरामच्या घोषणा देत आहेत.

बजरंग दलाची बाईक रॅली संविधान चौकात पोहोचल्यानंतर टेडी जाळत 'व्हॅलेंटाईन डे'ला विरोध केला आहे. 'व्हॅलेंटाईन डे' (Valentine Day) ही पाश्चात्य संस्कृती असल्याने विरोध करत आहे, बजरंग दलाचे म्हणणे आहे. नागपूर शहराच्या अनेक भागात बजरंग दलाने रॅली नेत संविधान चौकात येऊन टेडी जाळत निषेध केला.

बजरंग दलाचा 'व्हॅलेंटाईन डे' ला विरोध का?

बजरंग दलाचं म्हणणं आहे की, 'व्हॅलेंटाईन डे' साजरा भारतीय संस्कृतीचा हिस्सा नाही. 'व्हॅलेंटाईन डे' साजरा करणे ही पाश्चिमात्य संस्कृती आहे. या दिवसात युवक-युवती शारीरिक संबंध प्रस्थापित करतात. यामुळे मुलगी गर्भवती होते. नंतर युवती गर्भपात करते. यामुळे समाजावर परिणाम होता'.

'बजरंग दलाचा प्रेमीयुगुलावर आक्षेप नाही. फक्त त्यांचा 'व्हॅलेंटाईन डे' साजरा करण्यावर आक्षेप आहे. 'व्हॅलेंटाईन डे' दिनाला जोडपं बाहेर फिरून साजरा करतं, हे पाश्चिमात्य संस्कृतीला प्रोत्साहन देणारं आहे, असं बजरंग दलाचं म्हणणं आहे.