Jalna News : जालना जिल्ह्यातील अंतरवाली सराटी (antarwali sarathi latest updates) येथे मराठा समाजाच्या आरक्षणासाठी (Maratha Aarakshan) उपोषणास बसलेल्या आंदाेलकांची आणि पाेलिसांची धूमश्चक्री झाल्यानंतर सुमारे तीन हजार आंदाेलकांवर पाेलिसांनी गुन्हा दाखल केला. त्यातील 33 आंदाेलकांना आज (मंगळवार) न्यायालयाने जामीन मंजूर केला. (Maharashtra News)

या आंदाेलन काळात पाेलिसांनी आंदाेलकांवर लाठीचार्ज केला. त्याचे पडसाद संपूर्ण जालना जिल्ह्यासह राज्यात उमटले. या प्रकरणी जालना शहरासह जिल्ह्यातील विविध पोलिस ठाण्यात दंगल घडवल्या प्रकरणी आणि पोलिसांवर जीवघेणा हल्ला केल्या प्रकरणी जवळपास तीन हजार जणांवर गुन्हा दाखल करण्यात आले.

या प्रकरणी जिल्हा वकील संघाच्या वतीने आंदोलन कार्यकर्त्यावर दाखल गुन्ह्या प्रकरणी मोफत सेवा बजवाण्यात आली. वकील संघाच्या वतीने आज 33 जणांच्या जामीन अर्ज जिल्हा व सत्र न्यायालयात दाखल करण्यात आले.

जिल्हा व सत्र न्यायालयाने सर्वांना जामीन मंजूर केला. यामध्ये एका अल्पवयीन मुलाचा समावेश हाेता. त्याचा जामीन कालच मंजूर केल्याची माहिती वकील संघाने दिली. या सर्वांचा जिल्हा व सत्र न्यायालयाने प्रत्येकी पंधरा हजार रुपयांच्या जात मुचलक्यावर जामीन मंजूर करण्यात आल्याचे वकीलांनी स्पष्ट केले.

Edited By : Siddharth Latkar