Khed News : पुणे जिल्ह्यातील खेड तालुक्यातील तत्कालीन तहसिलदार वैशाली वाघमारे (vaishali waghmare) यांना राज्य सरकाराने नुकतेच निलंबित केले आहे. अनेक प्रकरणात अनियमितता आढळल्याने वाघमारे यांच्यावर निलंबनाची कारवाई करण्यात आली आहे. (Maharashtra News)
वाघमारे यांच्या विराेधात माहिती अधिकार कार्यकर्ते बाळासाहेब चौधरी यांनी पुणे जिल्हाधिकारी यांच्याकडे तक्रार केली होती. तसेच काही शेतकऱ्यांनी वाघमारे यांच्या विराेधात मुंबईत आंदोलन छेडले हाेते. त्यानंतर त्यांच्यावर निलंबनाची कारवाई झाली आहे.
दरम्यान त्यांच्यावर झालेल्या कारवाईची माहिती कळताच एका शेतकरी कुटुंबाने तहसीलदार कार्यालयाच्या आवारात पेढे वाटून आनंद व्यक्त केला. तसेच वाघमारे यांच्या विराेधात घाेषणा दिल्या.
दरम्यान खेडच्या तहसीलदारांनी खेड उपविभागीय अधिकाऱ्यांच्या आदेशाने वाघमारे यांच्यावर पाच दोषारोप ठेवले आहेत. त्यांनी १७ कोटी ५६ लाख रुपयांचे शासकीय महसुलाचे नुकसान केल्याचा ठपका देखील त्यांच्यावर ठेवण्यात आला आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.