Shreya Maskar
तुम्हाला जोडीदारासोबत मुंबईजवळच फिरायला जायचे असेल तर अलिबाग उत्तम लोकेशन आहे. अलिबागमध्ये निसर्गाच्या सानिध्यात एक सुंदर किनारा लपला आहे.
आवास बीच हे अलिबागजवळील मांडवाजवळ वसलेले एक शांत, स्वच्छ आणि गर्दी नसलेले पर्यटन स्थळ आहे. तुम्ही येथे समुद्रकिनारी भन्नाट कपल फोटोशूट करू शकता.
सोनेरी वाळू, सुरू आणि नारळाच्या झाडांची दाट झाडांनी वेढलेले हे ठिकाण निसर्ग सौंदर्यने पर्यटकांना आकर्षित करते. हे ठिकाण मुंबई/पुण्याहून वीकेंडसाठी उत्तम आहे.
आवास बीचवरून सूर्यास्ताचा सुंदर नजारा पाहायला मिळतो. तुम्ही येथे संध्याकाळी निवांत फेरफटका मारू शकता. तुम्हाला येथे थंड वाऱ्यांची झुळूक अनुभवता येईल.
आवास बीचवर मासेमारी पाहण्यासाठी, किनारी संस्कृतीचा अनुभव घेण्यासाठी आणि कोकणी सीफूडचा आनंद घेण्यासाठी पर्यटक येतात.
आवास बीचवर जलक्रीडांचा आनंद घेऊ शकता. तसेच आवास बीचच्याजवळ अनेक बजेट-फ्रेंडली रिसॉर्ट्स, हॉटेल्स पाहायला मिळतात.
आवास बीच हे पक्षी निरीक्षणासाठी एक उत्तम आणि शांत ठिकाण आहे. हे ठिकाण अरबी समुद्राच्या किनाऱ्यावर असून, सकाळी लवकर गेल्यास विविध प्रकारचे सागरी पक्षी आणि स्थानिक पक्षी पाहता येतात.
वरील माहितीचा उद्देश केवळ ऐतिहासिक वारसा आणि पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही ऐतिहासिक वादाशी किंवा दाव्याशी आमचा संबंध नाही.