मयुरेश कडव, बदलापूर प्रतिनिधी

Badlapur Latur expressway approved : नागपूर इथं झालेल्या हिवाळी अधिवेशनात मुरबाड आणि बदलापूर परिसरासाठी विविध विकासकामे मंजूर करण्यात आली. यामध्ये बदलापूर–लातूर या द्रुतगती महामार्गाला मंजुरी मिळाली. त्यामुळे आता बदलापूर शहराच्या विकासाला मोठी चालना मिळणार आहे. तसेच या अधिवेशनात बदलापूर शहरातील मलशुद्धीकरण केंद्रासाठी तब्बल 303 कोटी रुपयांची मान्यता देण्यात आली आहे. नागपूरच्या धर्तीवर बदलापूरमध्ये अंडरग्राऊंड विद्युत वाहिनी उभारण्याचा निर्णय घेण्यात आलाय. मुरबाड शहरासाठी 115 कोटी रुपयांचं मलशुद्धीकरण केंद्र मंजूर झालं. तसच बदलापुरात 25 कोटी रुपये खर्च करून शिवसृष्टी उभारण्यात येणार आहे. ठाण्याच्या धर्तीवर बदलापुरात भव्य दीपस्तंभ आणि 111 फुटी महादेवाची भव्य मूर्ती उभारण्यासही मान्यता देण्यात आली आहे. या सर्व मंजूर विकासकामांची माहिती आमदार किसन कथोरे यांनी पत्रकार परिषदेत दिली.

हिवाळी अधिवेशनात मुरबाड विधानसभा मतदारसंघासाठी मोठ्या प्रमाणात विकासनिधी मंजूर करण्यात आला आहे. मुरबाडचे आमदार किसन कथोरे यांच्या प्रयत्नातून मुख्यमंत्री देवेंद्र फडणवीस यांनी मुरबाड आणि बदलापूर परिसरासाठी भरघोस निधी दिला असून अनेक महत्त्वाची विकासकामे मंजूर झाली आहेत. यामध्ये बदलापूर–लातूर–हैदराबाद महामार्ग मार्गी लागला आहे. बदलापूर शहरातील मलशुद्धीकरण केंद्रासाठी तब्बल 303 कोटी रुपयांची मान्यता देण्यात आली असून, नागपूरच्या धर्तीवर बदलापूरमध्ये अंडरग्राऊंड विद्युत वाहिनी उभारण्याचा निर्णय घेण्यात आला आहे.

मुरबाड शहरासाठी 115 कोटी रुपयांचे मलशुद्धीकरण केंद्र मंजूर झाले आहे. तसेच बदलापुरात 25 कोटी रुपये खर्च करून शिवसृष्टी उभारण्यात येणार आहे. ठाण्याच्या धर्तीवर बदलापुरात भव्य दीपस्तंभ आणि 111 फुटी महादेवाची भव्य मूर्ती उभारण्यासही मान्यता देण्यात आली आहे. या सर्व मंजूर विकास कामांची माहिती आमदार किसन कथोरे यांनी आयोजित पत्रकार परिषदेत पत्रकारांना दिली. यावेळी बोलताना कथोरे म्हणाले की, येणाऱ्या नगरपालिकेच्या निवडणुकांमध्ये भाजपाचाच नगराध्यक्ष निवडून येईल आणि भाजपाचे सर्वाधिक नगरसेवक निवडून येतील, असा विश्वास त्यांनी व्यक्त केला.