औरंगाबाद : मुकुंदवाडी परिसरातील एका तरुणीसह अन्य एका विवाहित महिलेचा खून Murder झाला असून तरुणीच्या खून तिच्या मित्रानेच केल्याची शक्यता आहे. तर विवाहित महिलेची हत्या तिच्या नवऱ्याने केल्याचे उघड झाले आहे. मात्र या हत्यांमुळे औरंगाबादमधील हत्यांचे सत्र काही संपताना दिसत नाहीये.

हे देखील पहा -

मुकुंदवाडी येथे 2 दिवसांत 22 वर्षीय तरुणी आणि 39 वर्षाच्या विवाहित महिलेच्या मृत्येने परिसरात भितीचे वातावरण तयार झाले आहे. मृत मुलीचे नाव इंदुमती बारकुराय (Indumati Barkurai) आहे. तर विवाहित महिलेचे नाव सुनिता चिनगारे (Sunita Chingare) आहे.

22 वर्षीय इंदुमती मोबाइलच्या शोरुममध्ये (Mobile Showroom) आठवड्यापुर्वी कामाला लागली होती. तर ती वडील आणि दोन भावांसोबत मुकुंदनगरमध्ये राहत होती. सोमवारी इंदुमती सकाळी कामावर गेली मात्र संध्याकाळी 6 वाजले तरी ती परत आली नसल्याने वडिल आणि भावंडानी तिच्या मैत्रीणी आणि नातेवाईकांकडे इंदुमतीचा शोधल मात्र ती सापडली नाही. मंगळवारी सकाळी मुकुंदनगरच्या शेजारच्या बायपासच्या बाजूला असणाऱ्या मोकळ्या मैदानावरती दूध विकण्यासाठी निघालेल्या महिलांना तिचा मृतदेह दिसला. इंदुमतीच्या हातावरती आणि गळ्यावरती कसले तरी वण दिसत होते.

मृतदेह सापडल्याची माहिती मिळताच मुकुंदवाडी पोलीस (Mukundwadi Police) घटनास्थळी गेले. मात्र मंगळवारी सकाळीच इंदुमती बेपत्ता असल्याची तक्रार दाखल करायला गेलेल्या घरच्यांना तिचा मृतदेहच मिळाल्यांने त्यांना मोठा धक्का बसला. दरम्यान याप्रकरणी अज्ञात व्यक्तीविरोधात मुकुंदवाडी पोलीसांनी गुन्हा नोंद केला आहे.

पतीनेच केला पत्नीचा खून -

दुसऱ्या घटनेत चारित्र्याच्या संशयावरून पतीनेच पत्नी सुनिता शिनगारे यांचा झोपेत गळा दाबून हत्या केल्याची धक्कादायक घटना समोर आली आहे. 2 दिवसांपूर्वी घडलेल्या घटनेत पती पोपट शिनगारे हा आपल्या पत्नीने आत्महत्या केल्याचे सांगत होता. मात्र डॉक्टरांनी दिलेल्या शवविच्छेदनाचा अहवालामुळे महिलेचा खून झाल्याचे समोर आले पोलिसांनी रिमांडवर घेताच पती पोपट याने खुनाची कबूली दिली आहे. मात्र या दोन्ही घटनांनी मुकुंदवाडी परिसर हादरुण गेला आहे.

Edited By - Jagdish Patil