पराग ठोबळे, साम प्रतिनिधी

अमृता फडणवीस यांच्याबाबत केलेल्या आक्षेपार्ह वक्तव्यप्रकरणानंतर अंजली भारती वादात अडकल्या आहेत. मुख्यमंत्री फडणवीस यांच्या पत्नी अमृता फडणवीस यांच्या विषयी आक्षेपार्ह वक्तव्यानंतर अंजली भारती यांच्यावर गुन्हा दाखल झालाय. गुन्हा दाखल झाल्यापासून अंजली भारती या नॉट रीचेबल आहेत. मात्र त्यांना वक्तव्याप्रकरणी दिलगिरी व्यक्त केली आहे.

एका भीमगीते गायनाच्या कार्यक्रमात अंजली भारतींनी अमृता फडणवीस यांच्याबाबत वादग्रस्त वक्तव्य केलं होतं. अमृता फडणवीस यांच्याबाबत अश्लाघ्य भाषेत टीका केली होती. भाजपाप्रणीत सत्ताधाऱ्यांकडून बलात्काऱ्यांवर मतांच्या राजकारणापोटी कारवाई केली जात नसल्याचा दावा करताना अंजली भारतींनी अमृता फडणवीस यांचा उल्लेख करत त्यांच्यावर अश्लाघ्य भाषेत टीका केली होती. त्यानंतर अंजली भारती टीकेच्या धनी बनल्या.अमृता फडणवीस यांच्याबाबत अक्षेपार्ह वक्तव्य केल्याप्रकरणी अंजली भारती यांच्या विरोधात भंडारा येथे गुन्हा दाखल करण्यात आलाय.

दरम्यान गुन्हा दाखल झाल्यापासून अंजली भारती नॉट रिचेबल आहेत. यादरम्यान अंजली भारती यांनी आपल्या वक्तव्याप्रकरणी दिलगिरी व्यक्त केलीय. चुकून अनावधानाने तो शब्द उच्चारण्यात आला"असं अंजली भारती म्हणाल्या आहेत. सोशल माध्यमांवर अंजली भारती यांच्याकडून केलेल्या वक्तव्याप्रकरणी खेद व्यक्त केलाय. चित्रा वाघ, रुपाली चाकणकरसह भाजपकडून टार्गेट केला जात असल्याचा आरोपही त्यांनी यावेळी केलाय.

कोण आहेत अंजली भारती?

अंजली भारती या विद्रोही गायिका म्हणून ओळखल्या जातात. त्या गौतम बुद्धाच्या अनुयायी आहेत. अंजली भारती या नावाने त्यांचं युट्यूब चॅनल आहे. त्यांचे साधारण सहा लाखांच्या आसपास सबस्क्रायबर्स आहेत.अंजली भारती यांच्या या युट्यूब चॅनलवर आत्तापर्यंत दीड हजारांहून अधिक व्हिडीओ अपलोड करण्यात आलेत. डॉ. बाबासाहेब आंबेडकरांवर त्यांनी अनेक गाणी यामध्ये गायली आहेत. अमृता फडणवीस यांच्याविषयी वादग्रस्त वक्तव्य केल्याने त्या पुन्हा एकदा चर्चेत आल्या.