अमर घटारे 

अमरावती : यंदाच्या पावसाळ्यात सरासरीपेक्षा कमी पाऊस झाल्याने सर्वत्र दुष्काळी परिस्थिती निर्माण झाली आहे. यामुळे अनेक भागात पाणीटंचाईचा (Water Scarcity) सामना आतापासूनच  आहे. अशाच प्रकारे अमरावती (Amravati) जिल्ह्यातील आदिवासी भाग असलेल्या चिखलदरा तालुक्यातील सर्वाधिक १०० गावांवर यंदा पाणी टंचाईचे मोठे सावट निर्माण झाले आहे. (Latest Marathi News)

राज्यात यंदा सर्वच जिल्ह्यात अपेक्षित पाऊस झाला नाही. यामुळे पिकांचे नुकसान झाले आहे. शिवाय पाऊस (Rain) कमी झाल्याने पाणी पातळी देखील खालावली असल्याने पाणीटंचाईचे संकट ओढवले आहे. अमरावती जिल्ह्यात देखील हीच परिस्थिती असून अमरावतीच्या आदिवासी भाग असलेल्या (Chikhaldara) चिखलदरा तालुक्यात पाणीटंचाईचा प्रश्न निर्माण झाला आहे. तसेच जिल्ह्यातील तीन तालुक्यांमध्ये एकूण २६ टॅंकरने पाणी पुरवठा केला जाणार आहे. 

'साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

२१ कोटींचा कृती आराखडा

जिल्ह्यात पाणीटंचाई जाणवत असल्याने ही पाणी टंचाई निवारण्यासाठी २१ कोटी १८ लाख ४६ हजारांचा पाणी टंचाई कृती आराखडा मंजूर करण्यात आला आहे. प्रशासनाचा कृती आराखडा मंजूर असून या ६७६ गावात १ हजार ३३ योजना प्रस्तावित केल्या आहेत. तर ४४० विहिरी अधिग्रहित केल्या जाणार आहेत.