अमर घटारे 

अमरावती : पावसाने उघडीप दिल्यामुळे शेतात पिकांच्या मशागतीचे काम सध्या सुरू आहे. मात्र पीक कोळपणी करत असताना वरुड तालुक्यात दुर्दैवी घटना घडली आहे. कोळपणीचे काम सुरु असताना अचानक विद्युत तार तुटून पडली. तार अंगावर पडल्याने शेतकऱ्याचा जागीच मृत्यू झाला आहे. तसेच औताला जुंपलेले दोन्ही बैल देखील या घटनेत दगावले आहेत. 

अमरावती जिल्ह्यातील वरुड तालुक्यातील बेसखेडा शेतशिवार सदरची घटना घडली आहे. यात श्रीराम बळीराम घोरसे (वय ५२) असे मृत झालेल्या शेतकऱ्यांचे नाव आहे. दरम्यान श्रीराम घोरसे हे शेतात सकाळीच काम करण्यासाठी निघून गेले होते. मात्र पिकांमध्ये डवरणी करत असताना विजेची तार अचानकपणे तुटली आणि ती शेतकरी घोरसे यांच्या अंगावर पडल्याने शेतकऱ्याचा आणि दोन बैलाचं जागीच मृत्यू झाला आहे. 

शेतकरी कुटुंबावर दुःखाचा डोंगर 
शेतशिवारांमध्ये शेतमाशागतीचे काम सध्या सुरु आहे. प्रामुख्याने पावसाने उघडीप दिल्याने शेतकरी पिकांची कोळपणी करत आहे. अशातच शेतात पिकांची आंतरमशागत डवरणी सुरू असताना जिवंत विजेचे तार शेतकऱ्यांच्या व बैलाच्या अंगावर पडल्याने झाला अपघात घडला आहे. या घटनेमुळे शेतकरी कुटुंबावर मोठा आघात पोहचला असून घटनेची माहिती मिळताच कुटुंबीयांनी एकच आक्रोश केला. कुटुंबीयांनी 

उभ्या ट्रकला दुसऱ्या ट्रकची मागून धडक, एकाचा मृत्यू 
समृद्धी महामार्गावर वाशिममध्ये भीषण अपघाताची घटना घडली आहे. भरधाव ट्रकने उभ्या असलेल्या ट्रकला मागून जोरदार धडक दिल्याने हा अपघात झाला. या अपघातात ट्रक चालक कॅबिनमध्ये अडकून ठार झाला आहे. वाशिमच्या कारंजा जवळ असलेल्या पोहा गावाजवळून जाणाऱ्या समृद्धी महामार्गावर नागपूर कॉरिडोर चॅनल क्रमांक १८८ जवळ हा अपघात झाला आहे. ट्रकच्या केबिनमध्ये अडकलेल्या चालकाचा  मृतदेह काढण्याच काम गेल्या तासभरा पासून सुरू आहे.