Summary -

• अमरावतीतील परतवाडा प्रकरणात नवा व्हिडिओ समोर

• अयान अहमदच्या नव्या व्हिडीओमुळे पोलिसही चक्रावले

• अयान अहमदकडे ऐवढा पैसा आला कुठून असा प्रश्न उपस्थित केला जात आहे

• पोलिस आणि एसआयटीकडून सखोल तपास सुरू

अमरावतीच्या परतवाडामधील १८० मुलींचे लैंगिक शोषण आणि अश्लील व्हिडिओ व्हायरल करणारा आरोपी अयान अहमदचा आणखी एक नवा व्हिडीओ समोर आला आहे. अयान अहमदच्या लाईफस्टाईलचा चक्रावून टाकणारा हा व्हिडीओ सध्या सोशल मीडियावर व्हायरल होत आहे. आलिशान कारमध्ये स्टाईलमध्ये फिरतानाचा त्याचा हा व्हिडीओ पाहून पोलिसही चक्रावले. थार कारमधून प्रवास, पिस्तुल, तीन-चार महागडे आयफोन आणि सोबतच पैशांचा बंडल. आरोपी अयान अहमदकडे ऐवढा पैसा आला कुठून आला प्रश्न उपस्थित केला जात आहे.

'ये जरून कुछ बडा करेगा...क्योकी इसे जिंदगी से जादा अपनी जित प्यारी है...' असा अयानच्या रिल्समध्ये उल्लेख करण्यात आला आहे. आरोपी अयान चालवत असलेली नवी कोरी थार कार कुणाच्या मालकीची आहे. अयानकडे एवढ्या महागड्या गाड्या कुणाच्या? अयानला पिस्तूल वापराचे लायसन कोणी दिले? अयानच्या मालकीच्या की दुसऱ्यांच्या? असे प्रश्न आता उपस्थित केले जात आहेत. अयान वापरत असलेल्या थार कारचा नंबर-MH-27-DL-3100 असा Eus.

अमरावतीच्या परतवाडा प्रकरणात रोज नवनवीन खुलासे समोर येत आहेत. आरोपी अयान अहमदला केलेल्या कृत्याचा पश्चातापही नाही. केलेल्या कृत्याची त्याने अजूनही खंत बोलून दाखवली नाही, पोलिस चौकशीतून ही धक्कादायक माहिती उघड झाली आहे. आरोपी अयान एसआयटी चौकशीत सराईत गुन्हेगाराप्रमाणे वागत असल्याची सूत्रांची माहिती आहे.

मुलींसोबत संवाद कसा साधायचा?, त्यांना जाळ्यात कसं ओढायचं? याची कबुली पोलिसांना त्यांने दिली आहे. स्वतःच्या बचावासाठी अमरावतीच्या फ्लॅटवर जे कृत्य झालं ते दोघांच्याही संमतीने झाल्याचा केविळवाणा दावा आरोपी अयानने केला आहे. मात्र १५ वर्षाची एक पिडीत समोर आल्याने त्याच्या दाव्याची पोल खोल झाली आहे. या प्रकरणात आयनची पोलिस कसून चौकशी करत आहे. महत्वाचे म्हणजे पीडित मुली समोर येऊन त्याच्याविरोधात तक्रार करत आहेत. त्यामुळे या प्रकरणाची व्याप्ती वाढत चालली आहे.