अमर घटारे, अमरावती

Amravati Latest News: आठ दिवसांपूर्वी अमरावती शहरातील फ्रेजरपुरा पोलिस ठाण्याच्या हद्दीत दोघांनी एकमेकांवर प्राणघातक हल्ला चढवला होता. यातील एक आरोपी शहरातील खासगी रुग्णालयात उपचार घेत होता. दरम्यान गंभीर गुन्हा (Crime) दाखल असल्यामुळे त्याच्यावर लक्ष ठेवण्यासाठी दोन पोलिसांची तैनाती करण्यात आली होती. मात्र हा आरोपी रुग्णालयातून पळून गेला होता. (Amravati Crime News)

याप्रकरणी पोलीस आयुक्त आरती सिंह यांनी फ्रेजरपुराचे (Amravati) ठाणेदार अनिल कुरळकर यांची तडाकफडकी बदली केली असून दोन पोलिसांना निलंबित केले आहे. ठाणेदार अनिल कुरळकर यांची बदली विशेष शाखेला केली असून फ्रेजरपुराचे (Police Station Frezarpura News) नविन ठाणेदार म्हणून विशेष शाखेचे पोलिस निरीक्षक गोरखनाथ जाधव यांना जबाबदारी दिली आहे. तसेच फ्रेजरपुरा ठाण्यातील पोलीस अंमलदार नईम बेग व संजय डेरे या दोन अंमलदारांना निलंबित करण्यात आले आहे.

Edited By - Akshay Baisane