अमरावतीतील वरुड-राजुरा रोडवर भीषण अपघात
एसटी बस आणि ऑटोच्या धडकेत चार जणांचा मृत्यू
मृतांमध्ये शाळकरी मुलांचा समावेश
पोलिस तपास सुरू
अमोल घटारे,अमरावती
अमरावतीत भीषण अपघात झाला आहे. एस टी बस आणि ऑटोच्या धडकेत शाळकरी मुलांसह अन्य तिघांचा जागीच मृत्यू झाल्याची घटना घडली आहे. तर तीन प्रवासी गंभीर जखमी झाले आहेत, जखमी उपचारासाठी नागपूर येथे हलवले आहे. सदर घटना सकाळच्या सुमारास जिल्ह्यातील वरुड-राजुरा बाजार रोडवर घडली आहे. या भीषण अपघातानंतर परिसरात खळबळ उडाली असून पोलीस या प्रकरणी अधिक तपास करत आहेत.
मिळालेल्या माहितीनुसार, अमरावती जिल्ह्यातील वरुड तालुक्यातील ग्रामीण भागातील शाळेतील मुलं हे आठवणी वरुडला रिक्षाने जात होते. या रिक्षामध्ये काही स्थानिक नागरिक देखील होते.
दरम्यान वरुड-राजुरा बाजार रोडवर प्रवाशांनी भरलेली एस टी बस आणि ऑटो यांची धडक झाली. ही धडक इतकी भीषण होती कि रिक्षाचा चक्काचूर झाला. आणि रिक्षातील ४ जणांचा जागीच मृत्यू झाला. या मृतांमध्ये शाळकरी मुलांचा देखील समावेश आहे. तर तीन प्रवासी गंभीर जखमी झाले आहेत, जखमी उपचारासाठी नागपूर येथे हलवले आहे.
या घटनेनंतर परिसरात एकच खळबळ उडाली. अपघाताच्या आवाजाने स्थानिक नागरिकांनी घटनास्थळी धाव घेतली. या घटनेची माहिती पोलिसांना देण्यात आली असून पोलीस देखील घटनास्थळी दाखल झाले आहेत. याप्रकरणी पोलीस अधिक तपास करत असून नेमकं काय घडलं? आणि कोणाची अपघात कशामुळे झाला याचा तपास करत आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.