अमरावती जिल्ह्यातील परतवाडा अंजनगाव रोडवर भीषण अपघात झाला आहे. बस आणि क्रूझर गाडीची समोरासमोर धडक झाली असून यात तिघांचा जागीच मृत्यू झाला आहे. तर नऊ जण गंभीर जखमी झाले आहेत. अपघात इतका भीषण होता की दोन्ही वाहनांचे मोठ्या प्रमाणात नुकसान झाले आहे.

या घटनेची माहिती मिळताच पोलिसांनी आणि स्थानिक नागरिकांनी घटनास्थळी धाव घेत बचावकार्य केले.जखमींना तातडीने उपजिल्हा रुग्णालयात दाखल करण्यात आले. त्यापैकी पाच जणांची प्रकृती गंभीर असल्याने त्यांना अमरावती जिल्हा सामान्य रुग्णालयात हलवण्यात आले आहे. या अपघातामुळे परिसरात एकच खळबळ उडाली आहे. पोलिसांनी घटनेचा तपास सुरू केला आहे. अपघाताचे नेमके कारण अजून समजलेले नाही.

दरम्यान अपघात झाल्यानंतर स्थानिकांची घटनास्थळावर मोठी गर्दी झाली होती. क्रूझर गाडीचा पूर्ण चक्काचूर झाला होता. गाडीचा समोरील भाग पूर्णपणे तुटला होता. चालक स्टेरिंग आणि सीटात अडकला होता. स्थानिक त्याला बाहेर काढण्याचा प्रयत्न करत आहेत. पोलिसांनी पंचनामा करत अपघात कशामुळे झाला याचा तपास करत आहेत.