उल्हासनगर : पहाटे रस्ता ओलांडत असताना भरधाव वेगाने आलेल्‍या रिक्षाने धडक (Accident) दिल्‍याने वयोवृद्ध आजीबाईचा मृत्यू (Death) झाला. ताराबाई पावलास काळूसे असे मयत आजीबाईच नाव आहे. (Tajya Batmya)

अंबरनाथमधील (Ambarnath) फॉरेस्ट नाका परिसरात ही घटना पहाटे ५ वाजेच्या सुमारास घडली आहे. या घटनेनंतर परिसरात हळहळ व्यक्त केली जात आहे. दरम्यान आजी ताराबाई काळूसे या रस्ता ओलांडताना अचानक भरधाव येणाऱ्या रिक्षाने त्यांना धडक मारली. यात ताराबाई गंभीर जखमी झाल्‍या होत्‍या. अपघातानंतर ताराबाईला उपचारासाठी उल्हासनगरच्या शासकीय रुग्णालयात दाखल करण्यात आले होते. मात्र उपचारादरम्यान त्‍यांचा मृत्यू झाला.

घटना सीसीटीव्हीत कैद

फाॅरेस्ट नाका परिसरातील ही घटना असून संपूर्ण अपघाताची घटना सीसीटीव्हीत कैद झाली आहे. दरम्यान नातेवाईकांनी या घटनेची तक्रार अंबरनाथ पोलीस ठाण्यात केली असून पोलिसांनी रिक्षाचालका विरोधात गुन्हा दाखल केला आहे. तर सीसीटीव्हीच्या आधारे आरोपी रिक्षा चालकाला शोधण्यासाठी पोलीस पथक रवाना झाल्याची माहिती पोलीस अधिकाऱ्यांनी दिली आहे.