Akola Two Groups Clash  Saam tv
महाराष्ट्र

Akola Two Groups Clash : अकोल्यात पुन्हा वाद उफाळला; हरिहरपेठातील भरचौकात दुसऱ्यांदा राडा, पोलिसांचा मोठा फौजफाटा तैनात, VIDEO

Akola Two Groups Clash update : अकोल्यात पुन्हा एकदा वाद उफाळला आहे. हरिहरपेठातील भरचौकात दुसऱ्यांदा राडा झाला. त्यानंतर पोलिसांचा मोठा फौजफाटा तैनात करण्यात आला.

Vishal Gangurde

अक्षय गवळी, साम टीव्ही

अकोला : अकोल्यामधील हरिहरपेठ भागात आज पु्न्हा दोन गटात वाद उफाळला आहे. या वादादरम्यान एका विशिष्ट समाजातील एक ते दोन जण जखमी झाल्याची माहिती मिळत आहे. अकोल्यातील हरिहरपेठ भागात ७ ऑक्टोबर रोजी मोठा राडा झाला होता. त्यानंतर पुन्हा वाद उफाळल्याने परिसरात तणावाचं वातावरण निर्माण झालं आहे. या वादानंतर या भागात मोठ्या प्रमाणात पोलिसांचा फौजफाटा तैनात करण्यात आला आहे.

आज बुधावारी पुन्हा सायंकाळी पाच वाजताच्या सुमारास किरकोळ वाद झाला होता. याच वादादरम्यान एकाला मारहाण झाल्याचे समजते आहे. दरम्यान या राडा संदर्भात माहिती मिळताच अकोल्यातील स्थानिक पोलीस आणि दंगा काबू पथक घटनास्थळी दाखल झाले होते.

या वादाची चर्चा वाऱ्यासारखी पसरताच एका विशिष्ट समाजातील जमाव मोठ्या संख्येने रस्त्यावर उतरला होता. त्या जमावालाही पोलिसांनी पांगवले आहे. अकोला पोलिसांच्या तत्परतेमुळे पुढील मोठा अनर्थ ठळला आहे. सद्यस्थितीत घटनास्थळी वरिष्ठ पोलीस अधिकारी आणि दंगाकाबू पथक यासह आरसीपीचे पथक तैनात आहे.

दरम्यान, अकोल्यातील हरिहरपेठ भागात सध्या संपूर्ण शांतता आहे. यामध्ये भाजपचे माजी नगरसेवक अमोल गोगे यांचा समावेश होता. दरम्यान 7 ऑक्टोंबर रोजी आणि आज झालेला किरकोळ वादाच्या घटनेनंतर हरिहर पेठ भागात मोठ्या प्रमाणात पोलीस बंदोबस्त लावण्यात आला आहे.

या सोबत शहरातील संवेदनशील भागात मोठ्या प्रमाणात पोलीस गस्त वाढवण्यात आली आहे. दुचाकीला ऑटो रिक्षाचा धक्का लागला आणि दोन्ही चालकांमध्ये हा वाद पेटला होता. त्यानंतर अकोल्यातील हरिहरपेठामध्ये पुन्हा वाद पेटल्याने पोलीस यंत्रणा सतर्क झाली आहे. संपूर्ण हरिपेठमध्ये पोलीस फौजफाटा तैनात करण्यात आला आहे. दरम्यान, संपूर्ण घटनेनंतर आता अकोला पोलिसांनी स्थानिक नागरिकांना शांततेच आवाहन केले.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Lonavala-Khandala Tourism: 'या' विकेंडला मस्त भिजायचंय? लोणावळा-खंडाळ्यातील 'या' धबधब्यांची नाव आताच नोट करा

Shefali Jariwala Property: शेफाली जरीवालाची एकूण संपत्ती किती? वारसदार कोण?

Maharashtra Live News Update: कल्याणच्या गोविंदवाडी बायपासवरील पुलाची सहा वर्षांत दुरवस्था

Sri Krishna Janmbhoomi Mathura: ईदगाह 'वादग्रस्त वास्तू' नाहीये; उच्च न्यायालयाचा मोठा निर्णय

Shocking : शेतात गेले ते परत आलेच नाहीत; आधी वडिलांनी स्वतःला संपवलं, त्यांना बघून मुलानंही मृत्यूला कवटाळलं

SCROLL FOR NEXT