अक्षय गवळी 

अकोला : रोज शेकडो रुग्ण उपचारासाठी येत असलेल्या अकोल्याच्या शासकीय रुग्णालय परिसरात अश्लील चाळे सुरु असल्याचा धक्कादायक प्रकार समोर आला आहे. रुग्णालय आवारात असलेल्या लॉन्सवर हे सुरु असून रुग्णांच्या नातेवाईकांसोबत गंभीर प्रकार समोर आला आहे. शासकीय रुग्णालयातील समता लॉनमधील अश्लील चाळे करतांनाचा VIDEO समोर आल्याने खळबळ उडाली आहे. 

शासकीय रुग्णालय म्हटले म्हणजे याठिकाणी दिवसभरात शेकडो रुग्ण व त्यांचे नातेवाईक येत असतात. काही गंभीर जखमी अवस्थेत असलेले रुग्ण हे दाखल केले जात असल्याने त्यांच्यासोबत एक- दोन नातेवाईक थांबलेला असतो. मात्र या रुग्णालयाच्या आवारात गैरकृत्य सुरु असल्याचा प्रकार अकोला शासकीय रुग्णालयात समोर आला आहे. यामुळे या अश्लील कृत्याचा व्हिडिओ समोर आल्याने सुरक्षा व्यवस्थेवर पुन्हा प्रश्नचिन्ह निर्माण झाले आहे. 

नातेवाईकांच्या विश्रांतीच्या ठिकाणी गैरकृत्य 

अकोल्याच्या रुग्णालय परिसरात मागील काही दिवसांपासून अश्लील चाळे सुरु असल्याचा प्रकार समोर येत आहे. तसेच काही व्हिडीओ देखील वायरल होत आहेत. असाच एक व्हिडीओ सामच्या हाती लागला असून सरकारी रुग्णालयातील समता लॉनच्या जागेवर रुग्ण व नातेवाईकांसाठी विश्रांती घेण्याची व्यवस्था करण्यात आली होती. मात्र या ठिकाणी रात्रीच्या वेळी काही समाजकंटकांनी गैरप्रकार सुरू केले आहेत. 

रुग्णवाहिकेतही अश्लील चाळे 
इतकंच नव्हे तर रुग्णालयाच्या परिसरात खाजगी ॲम्बुलन्समध्ये देखील अश्लील चाळे सुरु आहे. रात्री उभ्या असलेल्या खासगी ॲम्बुलन्समध्ये असेच प्रकार घडत आहेत. रुग्णालयाच्या आवारात अनेक खासगी ॲम्बुलन्स रात्री उभ्या असतात. काही जण या ॲम्बुलन्सचा गैरवापर करत असल्याचे समोर आले आहे. या प्रकरणी कोणतीच कारवाई होत नसल्याने प्रशासनाच्या भूमिकेवरही प्रश्नचिन्ह निर्माण झाले.