अकोला : मुसळधार पावसात अकोट तालुक्यात दुर्गा उत्सव विसर्जन हे शांततेत पार पडले. अकोट तालुक्यातील सातपुड्याच्या पायथ्याशी असलेले पोपटखेड धरण व अकोट तालुक्यातील सर्व दुर्गा देवी विसर्जनाकरीता पोपटखेड येथील धरणावर कोरोनाचे नियम पाळून शांततेत पार पडले. यावेळी अकोट ग्रामीण पोलीस स्टेशनचा चोख बंदोबस्त ठेवला होता. ग्रामीण पोलिस स्टेशनचे ठाणेदार नितीन देशमुख यांनी धरणाच्या जवळ स्वतः पहारा ठेवून चोख बंदोबस्त ठेवला होता.

हे देखील पहा :

अकोट तालुक्यातील दुर्गादेवी उत्सव मंडळाचे पाण्याशी कोणताही संबंध येऊ नये आणि कोणत्याही अनुचित प्रकार घडू नये, याकरिता डॅम वर बॅरीकेट लावून त्या ठिकाणी आरती पूजा करून दुर्गा देव्या ह्या विर एकलव्य बचाव पथकाच्या स्वाधीन केला. यावेळी विर एकलव्य बचाव पथक पोपटखेड यांनी स्वयंपुर्ती ने पाण्यामध्ये उतरुन कोणत्याही दुर्गादेवी मंडळाला पाण्यामध्ये उतरू न देता स्वयंस्फूर्तीने मूर्ती विसर्जित केले आहे. या ठिकाणी निर्माल्य जमा करून त्याची विल्हेवाट लावून नदी-तलावाला प्रदूषणापासून रोखण्यासाठी पर्यावरणाचा समतोल राखण्यासाठी व्यवस्थित संकलित करून जमा केले.

पोपटखेड मार्गावर खड्डेच खड्डे..!

अकोट शहरातील दुर्गा देवी विसर्जन पोपटखेड येथील धरणांमध्ये करण्यात आले. यावेळी अकोट शहरासह ग्रामीणभाग तसेच पोपटखेड मार्गावर खड्डेच खड्डे असल्यामुळे दुर्गा देवी नेणारे वाहने यांना कसरत करून पोपटखेड येथे दुर्गा देवी विसर्जना करिता नेतांना नाहक त्रास सहन करावा लागला. यामुळे भक्तांनमध्ये नाराजीचा सूर दिसून आला.

Edited By : Krushnarav Sathe