भाजप आणि शिंदेंच्या शिवसेनेला जोरदार धक्का देत पुणे जिल्हा परिषदेवर अजित पवार यांच्या राष्ट्रवादी काँग्रेसने एकहाती विजय मिळवला आहे. काँग्रेस तर पुणे जिल्ह्यातून हद्दपार झालीय. बारामतीसह इंदापूर, मावळ, जुन्नर, आंबेगावमध्ये राष्ट्रवादीने बाजी मारली.महापालिका पाठोपाठ जिल्हा परीषद निवडणुकीतही दोन्ही राष्ट्रवादी काँग्रेसने एकत्रित निवडणुक लढवली आणि एकूण 73 जागापैंकी 50 पेक्षा जास्त जागा जिंकत राष्ट्रवादीने बहुमत मिळवलं. . दादा अपघाती मृत्युनंतरची ही पहिलीच निवडणूक..या निवडणुकीला सामोर जात त्यांच्या मावळ्यांनी जिल्हा परीषदेचा गड राखलाय.या विजयानंतर अनेक उमेदवार दादांच्या आठवणीनं भावुक झाले.

मावळमध्ये तर भाजपचा सुपडा साफ झालाय.

जिल्हा परीषदेच्या 5 आणि पंचायत समितीमध्ये 10 अशा

सर्व 15 जागांवर राष्ट्रवादीने विजय मिळवला आहे.

2017 मध्ये पुणे जिल्हा परीषद निवडणुकीत 44 जागा जिंकत राष्ट्रवादीने सत्ता मिळवली होती. 2026 मध्ये अर्धशतक पार करत पक्षाने घवघवीत यश मिळवलं आहे. दादांच्या अपघाती मृत्यूनंतरची अवघ्या दहा दिवसांनंतर झालेली ही निवडणूक..त्यामुळे मतदारांमध्ये सहानभूती तर होतीच पण कार्यकर्तेही लढले..जिल्हा परीषदेचा गड राखून अजितदादांच्या मावळ्यांनी पुणे जिल्हा परीषदेचा 'दादा' राष्ट्रवादीच असल्याचं दाखवून दिलं