सुप्रीम मस्कर, साम टीव्ही

आता उपमुख्यमंत्री अजित पवार यांना मुख्यमंत्री व्हायचंय...अजित पवारांच्या मनातली इच्छा ओठावर आलीय. सहावेळी उपमुख्यमंत्री पद मिळवणाऱ्या अजित पवारांची मुख्यमंत्री होण्याबाबतची इच्छा काही लपून राहिली नाही... मात्र आता भरसभेत अजितदादा गंभीरपणे पाहिल्यांदाच असं वक्तव्य केलंय... पुन्हा पाहा.....अजितदादा काय म्हणालेत....

खरंतर सर्वाधिक वेळा उपमुख्यमंत्रीपदाचा रेकॉर्ड अजित पवारांच्या नावावर आहे.. तब्बल 6 वेळा अजित पवारांनी उपमुख्यमंत्रिपद भुषवलंय.. मात्र त्यांना सातत्याने मुख्यमंत्रिपदाने हुलकावणीच दिलीय.. एवढंच नाही तर शिवसेनेच्या फुटीनंतर भाजपनं एकनाथ शिंदेंना मुख्यमंत्रिपद दिलं... त्यामुळे महायुतीची सत्ता आल्यानंतर अजित पवारांना मुख्यमंत्रिपदाची लॉटरी लागण्याची चर्चा होती.

मात्र यावेळीही मुख्यमंत्रिपदाने दादांना चकमा दिलाय.. त्यामुळे पुन्हा एकदा अजित पवारांनी मुख्यमंत्रिपदाची सल बोलून दाखवलीय.. तर त्यावरुन संजय राऊतांनी अजित पवारांना खोचक सल्ला दिलाय.. तर जयंत पाटलांनी मात्र अजित पवारांना मुख्यमंत्री होण्याआधीच शुभेच्छा दिल्यात.

'मुख्यमंत्री होण्यासाठी भाजपमध्ये विलिन व्हा, ठाकरे गटाचे खासदार संजय राऊत म्हणाले. तर जयंत पाटील यांनी अजित पवारांना मुख्यमंत्रिपदासाठी शुभेच्छा दिल्या.

महायुतीचं सरकार आल्यानंतर देवेंद्र फडणवीसांना मुख्यमंत्रिपद मिळालंय.. सध्या महायुतीत सगळं काही आलबेल नसल्याची चर्चा आहे.. त्यापार्श्वभुमीवर अजित पवारांनी मनातली सल बोलून दाखवलीय. त्यामुळे शिंदे आणि फडणवीसांनंतर मुख्यमंत्रिपदासाठी अजित पवारांचा नंबर लागणार की कायम उपमुख्यमंत्रिपदाचा नवा रेकॉर्ड रचला जाणार? याकडे लक्ष लागलंय.