अक्षय गवळी, अकोला प्रतिनिधी

Ajit Pawar plane crash update : राज्याचे माजी उपमुख्यमंत्री अजित पवार यांचे विमान अपघातात निधन झाले.. या घटनेमुळे महाराष्ट्र शोकसागरात आहे. अजित पवार यांची अस्थी कलश काल अकोल्यात आणण्यात आली. आज काटेपूर्णा प्रकल्पात अजित दादांच्या अस्थीचे विसर्जन करण्यात आले. यावेळी आमदार अमोल मिटकरीसह त्यांचं पूर्ण कुटुंब आणि कार्यकर्ते उपस्थित होते. अस्थी विसर्जनावेळी आमदार अमोल मिटकरी काहीसे भावुक झाले.

मनात शंकेचं मोठं काहूर, अजूनही विश्वास आहे, अजित दादांचा अपघाती मृत्यू होणं शक्यच नाही. जर घातपाताची शक्यता समोर आली तर याचे गंभीर परिणाम भोगावे लागतील. मास्टरमाईंड कुणी असो, भविष्यात त्याच्या घरात पाळणा हलव्याला सुद्धा कुणी राहणार नाही, असा इशारा अमोल मिटकरी यांनी पुन्हा एकदा दिला.

बारामती विमान अपघातचे सीसीटीव्ही फुटेज मिळवण्यासाठी प्रयत्न सुरू आहे. मात्र अद्याप पर्यंत मिळत नाही. केंद्रीय मंत्र्यांना भेटीची वेळ मागितली आहे, मात्र वेळ मिळत नाहीये. सुनेत्रा वहिनींना भेटूनच पुढचा निर्णय घेऊ. कारण, आज मनात शंकेचं मोठं काहूर आहे. माझा अजूनही विश्वास आहे, अजित दादांचा अपघाती मृत्यू असं होणं शक्यच नाही. दादा आमच्यातून गेले, आमचा अजिबात विश्वास नाही. विधिमंडळातील सर्व सदस्यांसह खासदारांनी राज्यसभेच्या खासदारांनी एकत्रयेण्याची वेळ आहे. कारण अजितदादांचा मृत्यू आपल्या सर्वांना चटका देणार आहे.. यामागे घातपात असेल तर सर्वांनी हा मुद्दा रेटून धरावा, असे मिटकरी म्हणाले.

सर्वांनी प्रधानमंत्रीसह केंद्रीय गृहमंत्री यांची भेट घ्यावी. या गोष्टीच आपण राजकारण करत नाहीये. इतक्या चांगल्या नेत्याचा वाईट अंत कसा असू शकतो. जर घातपाताची शक्यता समोर आली तर याचे गंभीर परिणाम भोगावे लागतील. यामागचं मास्टरमाईंड कुणी असो, भविष्यात त्याच्या घरात पाळणा हलव्याला सुद्धा कुणी राहणार नाही, असा इशारा अमोल मिटकरी यांनी दिला. दरम्यान, प्रत्यक्षदर्शी घटना पाहणाऱ्या सरपंचांनी सांगितलं होतं की, विमान लँड होत असताना दोन वेळा पलटी झाले होते. विमानातून कुणी तरी बाहेर पडण्याची धडपड करत होतं. तोपर्यंत विमानाचा ब्लास्ट झाला, असा दावा आमदार मिटकरींनी केला.