सुशील थोरात
अहमदनगर : पिण्यासाठी पाणी मिळत नसल्याने नागरिक आक्रमक झाले. यामुळे शेवगाव नगरपरिषद समोर पिण्याच्या पाण्यासाठी महिलांनी अनोखा असे मुक्काम ठोको आंदोलन करण्यात येत आहे. तर येत्या काळात पाण्यासाठी संघर्ष पेटण्याची चिन्ह आहे. 

सध्या पाण्याची समस्या निर्माण झाली आहे. मात्र नगर जिल्ह्यातील (Shevgaon) शेवगाव शहरवासियांना १० ते १५ दिवसांनी पाणी मिळत आहे. यामुळे नगरपरिषद कार्यालयासमोर महिलांनी मुक्काम ठोको आंदोलन सुरू केल आहे. जिल्हा परिषदेच्या माजी सदस्य हर्षदा काकडे यांच्या नेतृत्वाखाली सुरू करण्यात आलेल्या आंदोलनात महिला सहभागी झाल्या. शहरात नियमित आणि पुर्ण दाबाने (Water Shortage) पाणीपुरवठा व्हावा, ८७ कोटी २० लाख रुपये मंजुरीची नवीन पाणीपुरवठा योजना तात्काळ सुरु व्हावी, शहरातील अंतर्गत रस्ते, सांडपाणी व्यवस्था आणि विद्युतीकरण त्वरीत व्हावे; अशा मागण्या कृती समितीच्या आहे.

चूल मांडून बनवताय भाकरी 

विशेष म्हणजे आंदोलकांनी नगरपरिषद समोरच चूल मांडून भाकरी बनवण्यास सुरुवात केली आहे. (Ahmednagar) जोपर्यंत मागण्या पूर्ण होत नाही, तोपर्यंत नगरपरिषद कार्यालयासमोर मुक्काम ठोकला जाईल; असा इशारा आंदोलनाचे नेतृत्व करणाऱ्या हर्षदा काकडे यांनी दिला.