अहमदनगर : अहमदनगर जिल्ह्याच्या संगमनेर (Sangamner) तालुक्यातील कोठे खुर्द (Kothe Khurd) गावातील एका विहीरीत आईसह दोन मुली व एका चिमुकल्याचा मृतदेह आढळून आल्याने परिसरात खळबळ उडाली. कालच राहुरीच्या देवळाली प्रवरा येथे बेपत्ता असलेल्या अल्पवयीन मुलीचा मृतदेह गावातील बारव मध्ये आढळून आला होता. तर आज संगमनेर तालुक्यातील कोठे खुर्द गावातील विहिरीत आई सह तीन चिमुकल्यांचा मृतदेह आढळून आल्याने अहमदनगर (Ahmednagar) जिल्हा हादरला आहे. (Sangamner Kothe Khurd Latest News)

हे देखील पहा :

कोठे खुर्द गाव परिसरात असलेल्या खांडगेदरा येथे बाळासाहेब गणपत ढोकरे, व पत्नी स्वाती बाळासाहेब ढोकरे, हे आपल्या दोन मुली आणि एका वर्षाच्या मुलासोबत राहत होते. मात्र, आज स्वाती ढोकने हिच्या सह तीन चिमुकल्यांचे मृतदेह आढळून आले. या घटनेने अहमदनगर जिल्हा हादरला आहे.

घटनेची माहिती समजताच आजूबाजूच्या नागरिकांनी घटनास्थळी मोठी गर्दी केली. पोलिसांनी घटनास्थळी दाखल होत नागरिकांच्या मदतीने चारही मृतदेह विहिरीतून बाहेर काढले. या घटनेने कोठे खुर्द गावावर शोककळा पसरली असून नागरिक हळहळ व्यक्त करत आहेत. हि सामूहिक आत्महत्या (Suicide) आहे की हत्या (Murder) याचा तपास पोलीस करत आहे.

Edited By : Krushnarav Sathe