सुशील थोरात

अहमदनगर : चॉकलेट बॉय गोपीचंद पडळकर यांची भूमिका नेहमी वेगवेगळी असते. सत्तेत असताना धनगर आरक्षणाचा प्रश्न यावर भूमिका वेगळे मांडतात आणि सत्तेत नसताना वेगळे मत मांडतात. त्यामुळे सध्या त्यांच्यावर धनगर आरक्षण (Gopichad Padalkar) प्रश्न समाजाचे मोठे प्रेशर आहे. मात्र ते प्रेशर सरकारवर काढता येत नसल्यामुळे ते खासदार शरद पवार आणि खासदार सुप्रियाताई सुळे (Supriya Sule) यांचे नाव घेतात; अशी टीका आमदार (Rohit Pawar) रोहित पवार यांनी केली. (Latest Marathi News)

आमदार गोपीचंद पडळकर यांनी काही दिवसांपूर्वी राष्ट्रवादीचे ज्येष्ठ नेते खासदार शरद पवार आणि खासदार सुप्रिया सुळे यांच्यावर खालच्या पातळीवर जाऊन टीका केली होती. यावर बोलताना कर्जत जामखेडचे राष्ट्रवादीचे आमदार रोहित पवार यांनी निशाणा साधला आहे. 

भाजपचे छोटे नेते जेव्हा एखाद्यावर टीका करतात; तेव्हा भाजपचे मोठे नेते शांत बसत असतात. यातून असा निष्कर्ष निघतो की भाजपच्या या छोट्या नेत्यांना वरिष्ठ नेत्यांचा पाठिंबा आहे. त्याच बरोबर आश्चर्य या गोष्टीचे वाटते, की शरद पवार व (Ahmednagar) सुप्रियाताई यांच्यासोबत भाजप बरोबर गेलेले अजित पवार यांच्यावरही चॉकलेट बॉय गोपीचंद पडळकर टीका करत असतात. अजित पवार यांच्याबरोबर गेलेले मोठमोठे नेते शरद पवार यांच्या विरोधात मोठमोठी भाषणे करतात. मात्र आता तेही गप्प बसलेत, याचे आश्चर्य वाटतं आहे.