अविनाश कानडजे

औरंगाबाद : औरंगाबादमध्ये धक्कादायक प्रकार समोर आला आहे. रिक्षाच्या 10 रुपये भाड्यावरून ग्राहक सुलेमान आणि रिक्षा चालक बाबा मध्ये मारहाण झाली. या मारहाणीत ग्राहकाला आपला जीव गमवावा लागला. आरोपीला सिटी चौक पोलिसांनी ताब्यात घेतले आहे. परंतु 10 रुपयाच्या या घटनेने औरंगाबाद शहर हादरले. पोलिसांनी दिलेल्या माहितीनुसार, मिर्झा मुझफ्फर हुसैन मिर्झा अली हुसैन हे शहरातील मध्यवर्ती बसस्थानकपासून MH 20 EF 0013 या रिक्षा मध्ये कामाक्षी चौक येथे जाण्यासाठी बसले होते.

कामाक्षी चौक येथे उतरल्यानंतर भाडे देतांनी रिक्षा चालक बाबा सुलेमान बावजीर यांच्यामध्ये 10 रुपायावरून वाद झाला. सुलेमान यांनी रिक्षा चालक बाबा याला 20 रुपये दिले परंतु अजून 10 रुपये द्यावे लागतील म्हणून दोघांमध्ये वाद सुरू झाला. हा वाद एवढ्या टोकाला गेला की, रिक्षा चालक बाबाने हाताने आणि डोक्याने मुझफ्फर यांच्या नाकावर मारून त्यांना जखमी केले.

जखमी सुलेमान यांना घाटी रुग्णालयात उपचारासाठी दाखल करण्यात आले. त्यानंतर अपघात विभागातील डक्टरांनी सुलेमान यांना तपासून मयत घोषित केले. याप्रकारविषयी सुलेमान यांच्या भाचे मिर्झा मोहसीन यांनी सिटी चौक पोलीस ठाण्यात गुन्हा दाखल केला. त्यानुसार पोलिसांनी रिक्षाचालक बाबा याला अटक केली असून, पोलीस या प्रकरणाचा अजून तपस करत आहेत.

Edited By: Pravin Dhamale